Mentor Thaqi:Dy poezi

nga **Agim Gashi** Thu Jul 21, 2011 1:01 pm

NJËQIND VJET MIQËSI!
(Miss Edith Durhamit, Nderim!)

Njëqind vjet miqësi,
bujari nga soj Bujarësh,
Mis, Princeshë Hyjnore,
Shqiptarëve jetën dhuratë,
Uratë,
plot edukatë,
për vepër njerëzore,
vet në brëndi, lëngatë,
sëmundja g´rryente prore!

- Dekorim nga hegjemonia
e nga tirania,
as e dua e as më duhet,
se na vret bujaria,
le të marrin vesh
tandemët krajli,
Knjaz pa bazë
e Krajl për fjalë,
era ç´njerëzillëk iu vie
në njëqind vjet hegjemonie!

Eh, medet
ai Kryq i shenjtë
n´duar t´kujt ka mbetë,
ke vrasësit me "t´drejtë",
e stolisin me Ar,
e dhurojnë për Jetë,
atë simbol hyjnor,
për të u bënë therorë,
martir e dëshmorë,
të Zotit, me Orë!
Dekorojnë miqtë
për heshtje t´fëlliçtë,
fshehtas dhe perfid
shfarosin n´gjenocid,
ky farë soji hibrid
skileçar i lig!
Ah, vraji o Zot,
këtë soj të ndot!

Po jo more, jo qebesa,
unë nuk jamë bukëshkalë,
t´më pushtoj mëndjeharresa
e t´mos thëm ca fjalë,
për Malësorë e Rrafshjanë,
k´ta Arbërorë-Albanë!
Kjo racë bujare,
më e lashta n´Evropë,
Pellazge-Shqiptare
që njihet që n´kokë.
E pashme, e tjerrur,
lëkurëndritur, shtat-hedhur
me tradita e zakone,
s´iu gjenë dot shabllone
dhe veç me një t´metë
që s´e kuptojnë dot vet,
janë besnik të tepërt,
mendojnë si për veten,
dhe Besa në vepër,
iu kushtoi gjithë jetën,
se besnik duhet t´jeshë
por, besë çdokujt mos tí zëshë
e jo secili deklarues taktik,
mund të jetë edhe mik!

Po Anglia ime
që s´heqë dot mëkatet,
pse mbanë anë t´pabesit?
Mos janë gjë inatet
që pushtuan tokën time,
apo farë e interesit
dhe zhytje nínjorime?!
Po, nuk na bën nderë
dhe do ishim t´mjerë,
të mos njohim vlerë,
shqiptartë n´besë për t´prerë!
Ah Lordi im Gray,
a do na pëlqej
që Anglinë tonë,
dikush don ta zh´bëj
pse nuk jem si tjerë
dhe kemë tonën vlerë?!
Mos hezitoni Ju lutem, imlord,
i ftoni krerët e Shqipes dhe Shqipnisë,
le ta kenë përkrahjen tonë sot,
shpëtim nga k´thetra t´hegjemonisë,
shpërblim do kemi nga ynë Zot,
Liria e tyre, si Liria e Anglisë!
Imlord,
Shqiptarët janë të urtë,
besnik e bujarë unikal,
me moral e stoicizëm të gurtë,
për mikun kanë zemrën mal!
Janë të mençur, jo fort të dijtur,
mësojnë më shpejt se gjithë t´jerët,
shumë të ndershëm, t´pa koritur,
rastin nuk ua dhamë më heret!
Po t´i kisha dhe dy jetëra,
përta do vlente, si e para dhe tjetra!
Jam Edith Durham,
me rrënjë në Angli,
tash kam dhe një Vatan
që i thonë Shqipni,
se këtu hëmgra buken
misërnike të rreshkur,
jo, nuk e përmbysë dot kupen,
as do rri e heshtur!
Fundja, borxh i kam vetes,
t´i shërbej t´vërtetës!

Mentor Thaqi:Dy poezi 281479_244626858900060_100000582437455_868308_3838552_n

QE MOT I LIG!
(Sali Manit, Nderim postmortum)

Qe mot i lig,
na la izhig!
As të pamë
e as të thamë,
Lamtumirë mik!
As n´Amerikë
e as n´Koplik,
jo, s´i vumë pikë,
se s´patem ndarje,
atë mot të lig,
si ditë shi-qarje,
na ike vëlla-mik
dhe s´bëre ç´ngjarje,
na le Çiflig
Veprën Bujare!

Eh, n´Malsi t´Madhe
dhe sot jehon,
kënga shqiptare,
Saliu këndon,
në daç malësorçe,
në daç dasmorçe,
o folklorçe
o popullorçe!
N´daç me Lahutë,
ëmbël dhe butë,
e n´daç epike
këngë kreshnike,
po as lirikën
nuk e la pas,
vargjet ritmike,
tallas-tallas,
që mbetën hite
n´melose etnike,
ishin këngë nami,
nga Sali Mani!

Po po, rron Sali Mani,
siç rron melosi,
i madh është nami,
sa vet Eposi!
Dhe, Kombi im,
i bën Nderim,
e çmon, e don, e nderon, ...
me dashuri e përkujton!
Po, rron Saliu, rron Melosi.
Nderim Njeriut!
Këtij, Këngëtar-Kolosi!
Këngën, me Art, vulosi!

Mentor Thaqi VS., 20.07.2011

PS. Vargjet dolen nga inspirimi
duke dëgjuar këngen e Sali Manit
" U trashëgoftë, ky çift i ri"!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30