Tiranë: Sulmohet komisariati nr. 5, katër policë të plagosur

nga **Agim Gashi** Sat Jul 23, 2011 1:20 pm

Tiranë: Sulmohet komisariati nr. 5, katër policë të plagosur

Është sulmuar komisariati nr. 5 i policisë në Tiranë, kurse për pasojë kanë marrë plagë katër efektivë të policisë. Ndër ta më i dëmtuari ka mbetur shefi i krimeve, Artur Hyka, ndërsa sulmi ka ardhur nga pjesëtarë e në familje që pretendon se i është dhunuar një i afërm i tyre brenda ambienteve policore.
Janë goditur policët dhe xhamat e komisariatit, ndërsa më vonë efektivët janë bashkuar, duke bërë të mundur arrestimin e tre prej personave më agresivë që janë tre vëllezër.
Sipas të dhënave të policisë, në sulmin e organizuar të familjes kanë marrë pjesë edhe gra e fëmijë të tyre, ndërsa për të realizuar planin, ata kanë përdorur gur, hekura dhe mjete të tjera. Pas përballjes me ta, janë arrestuar Ilir, Shkëlqim dhe Astrit Halili, emra këta të skeduar edhe në protestën e 21 janarit, ndërsa tashmë akti i ndërmarrë prej tyre i ka kaluar seksionit të krimeve kundër jetës dhe lirisë së personit.
Këtij sulmi i ka paraprirë marrja e një adoleshenti të familjes Halili në lokalet e këtij komisariati, për shkak të një veprimi të kryer në ambientet e jashtme të një shkolle në Kamëz. Policia e ka shoqëruar në komisariat dhe orëve të vona të pasdites adoleshenti është lënë në gjendje të lirë. Pasi ka shkuar në shtëpi, ai ka treguar për përballjen me efektivët e këtij komisariati, ndërsa më pas e gjithë familja e Sherif Halilit është nisur drejt godinës së policisë së Kamzës.
Policia e Tiranës saktëson se të mbajtur në pranga janë Ilir Halili, 39 vjeç, Shkëlqim Halili (36) dhe Astrit Halili (26), i dënuar edhe më parë për armëmbajtje pa leje. Që të tre vëllezërit janë banues në Kamëz dhe nga të dhënat që policia ka për ta mësohet se janë edhe persona që kanë sulmuar Kryeministrinë më 21 janar.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31