Mentor Thaqi:HOMAZH NDERI( VIKTIMAVE TË KOMBIT MIK NORVEGJEZ! )

nga **Agim Gashi** Sun Jul 24, 2011 12:39 am

Mentor Thaqi:HOMAZH NDERI

( VIKTIMAVE TË KOMBIT MIK NORVEGJEZ! )

Kur çmënduria e pashoqe, vret,
...dhimbja rritet dhe shumëfishohet,
çepallave të varura të pathara të vrara,
të varura, të qullura nga të qara!

O Botë gërxhule e stërkërrusur,
mbi trupin tënd të bërë shportë,
po ç´është gjithë kjo e përbuzur,
dhe kjo e Zezëmordje Eskortë?!

Vrastarët, s´kanë Komb as Fe,
kanë vetëm shëmti-krimgjenezën,
janë veç një pjellë-kob, asgjë më,
ngjyrë shpirti e zemre, kanë të zezën!

Horri është babai jonjerëzor i Horrorit,
trashëgimi e tyre është Terrori,
e gishti i tyre nga mëndja e krisur,
ka rrënjët në urrejtje malinje t´majisur!

Arsyea e një Kombi me Zenit-Kulturë,
nuk nxitohet në akuza dhe fajsime,
mbanë çetësinë pa u zhytur n´katrahurë
edhe pse e din se ka mjaft involvime!

E dhimbshme qebesa, deri në palcë shpirti,
T´shuhen çmendurisht kaq shumë jetë njerëzore,
e bindshme, rron shpresa se duhet mundur trishti,
t´përballohet kjo dhimbje e madhe shpirtërore!

O ZOT! Ndëshkimi yt fuçishëm sot raftë
mbi kriminelë dhe mbi urdhër-krimi!
O Botë! Le t´ndalet përgjithmonë kjo lëngatë,
ky pisllëk, pa fije njerzillëk-qytetërimi!

HOMAZH! Nderim! Nga shpirti im prej njeriu,
për të vrarët e Kombit tonë mik Norvegjez,
po ndezë nga zemra dhe shpirti një Fitil-Qiriu,
për TRIUMF t´shpirtit t´bardhë, mbi k´të vepër t´zezë!

Mentor Thaqi VS., 23.07.2011

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30