Maloku: AAK-ja i ka bërë dëm të madh LDK-së

nga **Agim Gashi** Tue Aug 16, 2011 9:03 pm

Maloku: AAK-ja i ka bërë dëm të madh LDK-së

I dorëhequr nga postet drejtuese të partisë, ish- nënkryetari i Aleancës për Ardhmërinë e Kosovës, Naim Maloku e ndjen ende veten pjesë të kësaj partie. Ai ka thënë se është tërhequr për shkak se nuk ka pasur sukses projekti i tij për koalicion të AAK-së me PDK-në, përderisa për përpjekjet e afrimit të drejtuesve të AAK-së me LDK-në, Maloku mendon se kjo nuk do të ndodhë, për shkak se, sipas tij, është pikërisht AAK-ja ajo që e ka dëmtuar më së shumti LDK-në.

Ish deputeti i Kuvendit të Kosovës në tri legjislatura, ka thënë për Kosovapress se beson fuqishëm se AAK-ja nuk do të mund të afrohet me LDK-në asnjëherë, për faktin se në vazhdimësi, që para ndarjes së LDK-së, i ka shkaktuar dëme të mëdha.

Ai konsideron se brenda Kryesisë së AAK-së është një grup i cili e ka manipuluar krejt situatën para arritjes së koalicionit aktual qeverisës, duke thënë se Hashim Thaçi nuk do të mund të qëndrojë në Qeveri për më shumë se gjashtë muaj, andaj edhe nuk e kanë parë të arsyeshme futjen në koalicion.

Megjithëse ka dhënë dorëheqje nga strukturat udhëheqëse, Maloku thotë se është anëtar i AAK-së dhe ka kontakte të vazhdueshme me nivele më të ulëta në parti, por asnjëherë në selinë e AAK-së, në të cilën thotë se nuk ka qenë prej që është larguar.

Ai thekson se në Kuvendin e ardhshëm zgjedhor do të kërkojë nga struktura aktuale udhëheqëse e AAK-së që të largohet nga kreu i partisë, pasi që, sipas tij, AAK-ja ka humbur shumë që nuk ka hyrë në koalicion me PDK-në. Ndërkohë ka kërkuar që ky grup të vetëdijesohet dhe t’i kapitalizojë votat e partisë kur të bëhet zgjedhja e presidentit të ardhshëm. Përderisa për Grupin Parlamentar të AAK-së thotë se është pa kurrfarë vizioni për të ardhmen

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31