Policia vetem ushtrime jo ndonjë veprim konkret

nga **Agim Gashi** Wed Aug 24, 2011 6:46 pm

Policia vetem ushtrime jo ndonjë veprim konkret

(E plotësuar) - Me qëllim të informimit të drejtë të opinionit të gjerë dhe me qëllim të shmangies se spekulimeve, Policia e Kosovës informon se në kuadër të aktiviteteve të rregullta të Njësiteve Speciale Operative të Policisë së Kosovës, janë duke u realizuar disa ushtrime policore të këtyre njësiteve.

”Ushtrimet policore janë duke u zhvilluar në disa rajone të Republikës së Kosovës, duke përfshirë edhe rajonin e Mitrovicës.

Këto ushtrime nuk kanë të bëjnë me realizimin e ndonjë plani të caktuar apo marrjen e ndonjë veprimi konkret, por janë ushtrime të rregullta policore të Njësiteve Speciale Operative që realizohen në baze te procedurave policore në kohë të caktuara.

Ushtrime të tilla të Njësiteve Policore pritet të realizohen edhe në të ardhmen”, thuhet në njoftimin zyrtarë të Policisë së Kosovës.

* * * * * *

Rreth 40 automjete të Njësisë Speciale të Policisë së Kosovës (ROSU), kanë hyrë të mërkurën në mëngjes në veri të vendit në drejtim të dy pikave kufitare, përkatësisht në Jarinje dhe Bërnjak.

Burime të Kosovapress-it thonë se bëhet fjalë për aksionin e policisë që parasheh arrestime të mundshme lidhur me vrasjen e policit të Njësisë Speciale, Enver Zymberi, por edhe të atyre që dogjën pikën kufitare Jarinje.

“Bashkë me automjetet e Policisë së Kosovës janë parë edhe forca të shumta të KFOR-it të cilat kanë shkuar në mëngjes në drejtim të pikës kufitare Jarinje”, pohojnë burimet.

Sipas të njëjtave burime, serbët tashmë janë duke u organizuar për kthimin e barrikadave në pika të ndryshme, ndërkohë që situata në veri po tensionohet.

Në anën tjetër, zëdhënësi i policisë në Mitrovicë, toger Besim Hoti tha se Drejtoria Rajonale e Policisë së Kosovës në Mitrovicë nuk është në dijeni për një aksion të tillë.

Por, zëdhënsësi i Policisë së Kosovës, Baki Kelani i tha RTK-ës se bëhet fjalë për disa ushtrime që po bëhen në disa lokacione përshfirë edhe veriun.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30