Çeku e Zyrapi dëshmuan për Limajn

nga **Agim Gashi** Wed Aug 24, 2011 7:39 pm

Çeku e Zyrapi dëshmuan për Limajn

(I plotësuar)- Po vazhdon në Gjykatën e Qarkut në Prishtinë seanca për konfirmimin e aktakuzës ndaj deputetit të Kuvendit të Kosovës, ish-komandantit të Ushtrisë Çlirimtare të Kosovës, Fatmir Limaj dhe nëntë të akuzuarve të tjerë për krime lufte.

Në pjesën e parë të seancës konfirmuese, e cila pritet të vazhdojë pas kohës së drekës, prokurori i misionit të Bashkimit Evropian për sundimin e ligjit, Mauricio Salustro, kërkoi që dëshmive të deritanishme lidhur me rastin-kryesisht dëshmitë e të ashtuquajturit “dëshmitari X” t’u bashkohen edhe dy intervista.

Kërkesa për t’ia bashkangjitur materialit të procesit edhe intervistat e zhvilluara dy ish-komandantët e shtabit të përgjithshëm të UÇK-së, Agim Çekun dhe me Bislim Zyrapin, u miratua nga gjykatësi i EULEX-it Ingo Rish.

Megjithatë, seanca nisi me disa paqartësi që kanë të bëjnë me materialin të cilin prokurori italian ia ka dërguar palës mbrojtëse.

Disa nga avokatët e dhjetë të akuzuarve kritikuan Salustron për neglizhencë lidhur me shpërndarjen e materialit të siguruar.

Ata thanë se nga materiali që u është dërguar, mungojnë pjesë të caktuar dhe faqe të tëra të dëshmisë së “dëshmitarit X”, ndërsa kërkuan ndërprerjen e seancës në mënyrë që ajo të vazhdojë pas marrjes së materialit në fjalë nga avokatët mbrojtës.

Editimi i një pjese të këtij materiali, sipas prokurorit të EULEX-it Salustro është bërë për shkak se pjesë të caktuara të dëshmisë së “dëshmitarit X” nuk kanë të bëjnë fare me rastin dhe se publikimi i pjesëve të tjera do të mund të rrezikonte procese të tjera gjyqësore që janë në vazhdim e sipër.

Seanca, e cila po mbahet një muaj pas ngritjes së aktakuzës nga prokurori italian, pritet të vazhdojë gjatë ditës.

Ish-ministri i transporti dhe postë-telekomunikacionit, Fatmir Limaj akuzohet për dhënie të urdhrit në torturimin e civilëve shqiptarë e serbë në fshatin Kleçkë.

Çeku e Zyrapi dëshmuan për Limajn

Ende nuk është konfirmuar aktakuza ndaj Fatmir Limajt dhe nëntë ish ushtarëve të UÇK-së që ka nisur në ora 10:00 në Gjykatën e Qarkut. Seanca ka nisur me vërejtjet e avokatëve mbrojtës se nuk kanë pjesë nga dosja e rastit e që prokurori i rastit, Maurizio Salustro është përgjigjur me argumente të tjera.

Para avokatëve janë deponuar edhe dy deklarata të dëshmitarëve, Agim Çeku dhe Bislim Zyrapi që janë intervistuar pas ngritjes së aktakuzës për rastin më 25 korrik. Pjesa e dytë e seancës konfirmuese nis pasdite.

Fatmir Limaj do të paraqitet sot në Gjykatën e Qarkut

Ish-ministri i Transportit dhe Postë-Telekomunikacionit, Fatmir Limaj do të paraqitet sot për herë të parë në Gjykatën e Qarkut, në procesin kundër tij dhe nëntë të tjerëve për krime lufte në Kleçkë.

Lajmin e ka konfirmuar, këshilltari i tij Endrit Shala. Shala ka deklaruar shkurtimisht se seanca ka të bëjë me konfirmimit e aktakuzës së ngritur për krime lufte në Kleçkë.

Prokurori italian, Maurizio Salustro do të kërkoj të konfirmohet aktakuza për krime lufte kundër popullatës civile dhe për krime kundër të burgosurve të luftës.

Limaj kohë me parë ka deklaruar se nuk është fajtor dhe për periudhën që akuzohet siç është shprehur ai në prill të vitit 1999 nuk ka qenë në Kosovë, por në Shqipëri. Seanca pritet të filloj në ora 10:00.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30