'Oh Zot''- shfaqja e Baletit të Kosoves që u duartrokit gjatë në skenën e Cyrihut

nga **Agim Gashi** Thu Sep 01, 2011 8:37 pm

'Oh Zot''- shfaqja e Baletit të Kosoves që u duartrokit gjatë në skenën e Cyrihut

Sami PIRAJ
Publiku pa lëvizur nga vendi madje katër herë i riktheu në skenë komplet trupën e Kosovës.

'Oh Zot''- shfaqja e Baletit të Kosoves që u duartrokit gjatë në skenën e Cyrihut Mm-balet1

Mbi 800 spektatore sa ishin të pranishëm në shfaqjen e parë të Baletit të Kosovës që po merr pjesë në Festivalin e Cyrihut, mbi pesë minuta pa ndërprerë duartrokiën shfaqjen e baletanëve të Kosovës. Ishin këto emocione të papërshkrauara për ata pak shqiptarë që patën rastin por edhe privilegjen të jenë të pranishëm në sallën e improvizuar mbi liqenin e Cyrihut. As optimistet me të mëdhenj nuk e patën idenë se kjo shfaqje e balerinëve të rinj shqiptarë, do të lenë gjurmë të publiku jashtëzakonisht i zgjedhur e shumë profesional që stërmbushi vendet në këtë sallë mbi liqe.

Nuk mundemi të besonim as fjalëve të regjisorit e koreografit të shfaqjes Arthur S. nga Holanda i cili që ditën e parë të arritjes së Trupës së Baletit nga Kosova në Cyrih, theksojë se: të tri mbrëmjet e shfajes nga Kosova tashmë biletet janë të shitura.

Kjo me gjasë i mobilizojë edhe më shumë balerinët e rinj që ngadalë po krijojnë një rejting të mirë të prezentimit edhe jashtë Prishtinës. Të entuziazmuar për këto informata dhe të disiplinuar maksimalisht jo vetëm në skenë por edhe jashtë saj, arritën të jetësojnë një ide regjisoriale të holandezit që tashmë me gjasë ka shprehur prap dëshirë të punojme me këta balerinë në Prishtinë.

Vetë syzheu i kësaj shfajeje që ndërlidhet me problemet globale të njerëzimit bëri që edhe publiku njohës jashtëzakoinisht i mirë i Teatrit e Baletit, të futet në botën emocionale por edhe kreaciuonet individuale të këtyre të rinjëve të Kosovës. Maksimalisht të përqëndruar rreth zhvillimit të ngjarjes, ku jepet një ide se jeta ka humbur racionalitetin dhe gjithënjë i nështrohet trysnive të ndryshme duke e bërë të ndërlikuar poziten e kreativitetit njerëzor, ata të qetë e priten përfundimin e ngadhnjimit mbi të keqen që u luajt me shume finesa nga balerinët.

Në fund shpërthyen emocionet dhe duartrokitjet nuk u ndalen mbi pesë minuta. Publiku pa lëvizur nga vendi madje katër herë i riktheu në skenë komplet trupën e Kosovës.

Dukej se kjo shfaqje në Zvicer erdhi në kohen më të duhur për shqiptarët që jetojnë këtu, për faktin se tashmë me ditë të tëra është i pranishëm një imazh i keq pas ngjarjeve negative që ndodhen nga disa individ shqiptarë këtu.

Të theksojmë se sonte ( ejte) dhe nesër e (premte) janë në program edhe dy shfaqje të tjera të ansamblit tonë duke i dhënë një kuptim shumë pozitiv dhe profesional pjesëmarrjes në këtë festival prestigjioz botëror, por edhe rejtingut artistik shqiptar në Zvicer dhe gjetiu.
'Oh Zot''- shfaqja e Baletit të Kosoves që u duartrokit gjatë në skenën e Cyrihut Balet2

'Oh Zot''- shfaqja e Baletit të Kosoves që u duartrokit gjatë në skenën e Cyrihut Balet2

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30