Beqir MUSLIU:IMZOT, A TË MJAFTON KY FLIJIM

nga **Agim Gashi** Tue Sep 20, 2011 9:18 pm

Beqir MUSLIU:IMZOT, A TË MJAFTON KY FLIJIM

Çdo gjë që bëj në të vërtetë
Shkruaj një Libër

E ç’të bëj tjetër
Ç’zeje të zgjedh tash
Kur veç jam i zgjedhur
Të shkruaj Një Libër
E libri askund nuk shkëputët
Nuk mënjanohet

Dhe kur s’kam ç’të ha
Ha një libër
Dhe kur merr fund ky procesion
Nis e Libri më ha mua

Kështu deri në ditën tjetër
Dhe në ditën tjetër
Prapë prej fillimit

Libri për mua
Është Metafora e Gjëllisë Sime

Imzot po ç’bëra tjetër në jetën time
Shkrova libra
Dhe kështu I radhita
Njërën mbas tjetrës…

Kurrë të kryhet i Njejti Libër

Vetëm numrat ndërrohen
Libri mbetet ai i njejti
Ai i Pari i Dyti i Treti…
Deri në pankohësi mbase

Të shkruash Libër sot
Është një vetëflijim i madh
Por ç’të bëj

Unë e kam zgjedhur këtë vetëflijim
Dhe as që ankohem
As që e refuzoj këtë realitet
Që është ky që është
Sepse unë vetë e zgjodha dhe ai u bë Libër
Libri më zgjodhi mbase mua
Për të më gëlltitur për çdo ditë nga pak
Dhe në fund
Do të më bëj dhe mua Libër të Ndaluar mbase
Apo Libër Publik
Libër të Hapur

Kjo nuk varet edhe gjithaq prej meje
Për këtë vendos Hyji
Ai më dërgoi që të jem Ky që jam
Dhe të jem Libër

Imzot
A të mjafton ky flijim

( Shkëpur nga një intervistë më e gjatë me shkrimtarin Beqir Musliu, të cilën e pata zhvilluar më 17 – 18 janar 1994 dhe që doli të jetë intervista e tij e fundit dhënë një mediumi të shkruar siç ishte “Flaka e Vëllazërimit” nga Shkupi, meqë vdekja e ndërpreu në moshën më të mirë të jetës)

(Prishtinë, 17 – 18 Janar 1994)

Dergoi:Sabit Rrustemi

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30