Engjëll Koliqi:PASKA PA PASHA NJI ANDËRR

nga **Agim Gashi** Wed Sep 21, 2011 3:41 pm

Engjëll Koliqi:PASKA PA PASHA NJI ANDËRR

Miq e vllazën ndigjomni mue
Due diçka me ju tregue
Pashë satrapi keq ka andrrue
Shkollën n’Stubëll me e shkatrrue

Sot në mjes po sa jam zgjue
Pashën seç e kam takue
Ti stubllan m’tha s’je askushi
Kam me t’vjerrë un n’tufë kapuçi

Derisa un kam ardhë n’këtë botë
Stublla juej s’ka pasë as tokë
Krejt relievet u’i kam bâ
Fusha e male, shpez e gjâ
Un kam bâ ktu historin’
Kët burrnin’ edhe trimnin’
Për gjithçka un ktu jam
Jetën tuej n’dorë e kam

F’mijt tuej sot n’shkollë me shkue
Nesër mujnë me m’konkurrue
Kurr s’mund t’keni gjâ në dorë
Veçse për mue t’jeni shërbtorë

Kur andrrën e pashës krejt kan msue
Nji kushtrim t’madh e kan l’shue
I Madhi Konstantin i pari foli
Sa shpejt dheu lajmin mori

Mos u ngut more satrap
Se vijm’ nga amshimi e marrim hak
Ta hjekim kokën si të zogut
E t’vorrosim n’kazan t’bërllogut

Shën Niketë Dardani tuj fluturue
TE DEUM fuqishëm seç ka k’ndue

U çue nga vorri Gjergji – Skënderbeu
Shpatën e mprehtë tha ma lyp atdheu
Me shkue n’Stubëll me luftue
Se argatët e turkut jan tërbue
Shkollën ton’ duen me e shkatrrue

Erdhi edhe Gonxhja – e Lumja Nanë Tereza
Ruejma Zot Stubllën nga retë e zeza
Shpëtoma shkollën dhe lirin’
Fali o Zot t’shkretët se çka bâjn’ nuk dijnë

At Gjergj Fishta erdh me lahutë
Stublla jon’ kush do me t’tutë
Nëse jam un Gjergj Fishta
I demaskoj krejt shqiptart me bishta

Lulin e vocërr mos me ma lëndue
Lejeni t’shkretin n’shkollë me shkue
Ka çue fjalë dhe âsht luejt vendi
Nga spitali njaj Migjeni

Nga Prekazi vjen kushtrimi
N’shpirt po vuen njaj Adem Trimi
Bashk me Hamzën e Babën Shaban
Pashës n’Stubëll i çojnë selam
Stubllën ton’ pashë mos me na e prekë
Se t’hjekim kokën e t’lamë pa jetë

Lajmi shkoi deri n’Koshare
Dikush me Stubllën po ban hajgare
Agim Katana u çue nga vorri
Për Karadak udhën e mori
Kujdes pashë, mos luej me Stubëll
Se digjesh krejt me trup e krye
T’lamë pa jelek e pa sumbull
Rueju pashë se t’zuni sherri
Me mue janë Dom Mikeli e Idriz Seferi
Larg pashë duert nga Stublla Krenare
Se t’çojmë në vorr – t’mbulojmë me marre

Engjëll Zefi nga vorri u çue
N’Stubllën tonë dorë kush ka vnue
Grejzi e miza kemi me i l’shue
N’kokë e n’bythë kan me e kafshue

Pasha i shkretë âsht zhytë n’mendime
Çka m’gjet mue e jetën time
U bâ nami, u bâ beteri
Nga nji andërr m’zuni sherri
Krejt mbi kokë seç më jan l’shue
Kah me ikë e kah me shkue
Veç me u mshef’ n’birucë si mini
Edhe aty m’kafshon zhapini
Krejt dynjaja le ta dijnë
N’punë të hueja mos t’përzijnë

Stubëll, 17 shtator 2011
Speciale për Takimet e Dom Mikelit 2011-09-20

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30