Protesta të shqiptarëve në Preshevë

nga **Agim Gashi** Wed Sep 21, 2011 3:47 pm

Protesta të shqiptarëve në Preshevë

Shqiptarët në qytetin e Preshevës të mërkurën organizuan marshin gjithë-popullor me moton “Stop diskriminimit” ndaj shqiptarëve të Kosovës Lindore. Organizatorë të protestës ishin i gjithë spektri politik shqiptar në bashkëpunim më Organizatën e veteranëve të luftës dhe Këshillin për të Drejtat e Njeriut në Preshevë.

“Duam punë”, “Duam hapjen e kufirit”, “Stop xhandarmerisë serbe, “Zhvillim jo diskriminim” ishin sloganet që përcollën këtë protestë, deri sa ato që kishin përgatitur nga aktivistët e Këshillit për të drejtat e njeriut dhe Nismës së të rinjve për të drejtat e njeriut-e quanin ministrin e Pushtetit lokal serb, Milan Markoviç si njeri të rrezikshëm “Warning Markoviç is Here”. Pankartat u vendosën në Zyrat e Trupit Koordinues në Preshevë.

Në protestën e sotme në Preshevë ishin tubuar rreth 7 mijë shqiptarë, kryesisht studentë, nxënës, profesor, intelektual e përfaqësues të partive politike dhe asociacioneve jo qeveritare që veprojnë në këto anë.

Të pranishëm në protestën e sotme masive ishin Riza Halimi, kryetar i PVD-së dhe deputet gjithë-popullor në Beograd, Ragmi Mustafa, kryetar i komunës së Preshevës, Shaip Kamberi, kryetar i komunës së Bujanocit, Galip Beqiri, kryetar i Këshillit Kombëtar Shqiptarë, Besim Abdyli, kryetar i Kuvendit Komunal të Preshevës, Florim Sahiti, nënkryetari i Komunës së Medvegjës, Orhan Rexhepi, kryetar i KKSH-së, Sender Destani kryetar i BDL-së, Jonuz Musliu, kryetar i kuvendit të Bujanocit dhe kryetar i LPD-së, Nagip Arifi, kryetar i PD-së, përfaqësues të OVL të UÇPMB-së, Belgzim Kamberi, kryetar Këshillit për Mbrojtjen e të Drejtave të Njeriut në Kosovën Lindore si dhe shumë përfaqësues tjerë.

Mon	Tue	Wed	Thu	Fri	Sat	Sun
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31