BAKI YMERI:POETI DHE MBRETI

nga **Agim Gashi** Wed Sep 21, 2011 11:43 pm

BAKI YMERI:POETI DHE MBRETI

Poeti eshte mbret dhe Kosova mbretëri. Vargjet respektive e shohin dritën e botimit në vëllimin e dytë të një shqiptari të prekur nga flatrat e engjëllit. Krahas Pal Sokolit, Liman Zogajt, Sadik Krasniqit, Alma Papamihalit, Hasan Qyqallës, Martin Çunit, Arif Molliqit, Agim Gashit (poet dhe këngëtar), Shaban Cakollit, Xhevat Muqakut e tjerë, Neki Lulaj është njëri nga poetët më të mirë të lirikës shqiptare në trojet gjermane. Në kuadrin e komentit Poeti qan shekullin në ikje, Driton Fetaj thekson se “Shekulli në ikje i çalimeve qyqare do të na hakmirret në historinë shqiptare. Poezia e parë ka vlerën e një Himni e të një Kushtrimi, e të një ndërgjegjje të vetëdijësimit kombëtar, dhe të gjithë ata emra të përmendur kanë lavdinë e padiskutueshme, emra që do mbeten në histori dhe në tingujt e këngëve dhe bisedave të Odave të burrave.”Sipas Xhavit Gasës, poezia e Nekiu Luljat është “Poezia që flet, poezia që ligjëron, në çdo zemër që troket, dhuron emocion.”

Neki Lulaj shkruan për Ahmet Krasniqin, për të cilin Selvete Terstena e përgëzon Agim Gashin për këngën e tij kushtuar këtij tribuni të pavdekshëm të patriotizimit shqiptar, të cilin e likuiduan korbat e kombit në Tiranë. Faleminderit shumë, i madhi Agim (shkruan Selvetja) për këtë këngë në përkujtim të Kolonelit Ahmet Krasniqi! Lavdi trimit të paharuar! Qoftë kujtimi i përjetshëm për të dhe shpirti i tij u preftë i qetë në Parajsë! Zoti e bekoftë familjen e tij! Zoti e bekoftë Kosovën dhe popullin Shqiptar! Zëri i komentatorëve është zëri i Zotit. Liman Zogaj thekson në Facebook: Heroi i Kosovës, Ahmet Krasniqi, edhepse i vrarë nga dora e zezë, dita ditës edhe më shumë gjallërohet dhe bëhet Meteor i pashuar për Lirinë e tokës sonë të përgjakur me shekuj. Në këtë kontekst del në fushë të mejdanit edhe Rexhë Kelmendi: Lavdi, lavdi atdhetarit të madh dhe heroit të kombit, Ahmet Krasniqi, dhe ty, Agim Gashi! Gjithmonë të këndoftë zemra se vërtetë je artist dhe rapsod i madh i kombit! Të njëjtat urime ia përcjell Agimit edhe Drita Krasniqi: Të këndoftë zemra gjithmonë, o Agim Gashi, e zëri yt mos u shteroftë kurrë, por jehoftë në kupë të qiellit! Lavdi heroit të paharruar dhe qoftë i paharruar kujtimi i tij, dhe qofsh i bekuar o rapsod i kombit!
(Fragment i Baki Ymerit nga parathënia e vëllimit të Neki Lulajt “Me lirën shqiptare në kështjellën e përjteshme”.)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30