Do të ekspertohet ora dhe videoja Meta-Prifti

nga **Agim Gashi** Fri Sep 23, 2011 8:34 pm

Do të ekspertohet ora dhe videoja Meta-Prifti

Sapo ka përfunduar seanca ndaj Metës dhe trupi gjykues i Gjykatës së Lartë ka vendosur ekspertimin e orës dhe videos dhe ekspertiza është caktuar data 24 tetor, duke lënë 1 muaj kohë. Gjykata vendosi që ri-ekspertimi të bëhet nën mbikëqyrjen e prokurorëve Avokati i Ilir Metës, Gëzim Veleshnja menjëherë pas vendimit tha se “i gjithë ky proces tregon se është e gjitha një lojë politike, ky poçes është i montuar dhe mungesa e provës origjinale e bën këtë proces të parregullt ligjërisht. Ne presim vendimin e ekspertëve”.

Prokuria shqiptare ka shënuar në këtë mënyrë një nga skandalet më të mëdha, në të përfolurin gjyqi Meta – Priftin kur pasi dështoi në kërkesën për të hequr nga akti –ekspertimi tre ekspertët shqiptarë, hodhi një hap tjetër, jo thjeshtë amator, por tendencioz dhe të paprecedent, kur refuzoi ekspertimin e orës me të cilën Dritan Pifti vuri në përgjim ish-zëvendëskryeministrin Ilir Meta.

Ishte kjo orë e cila me kërkesë të prokurorisë shqiptare u dërgua për ekspertizë ndërkombëtare, dhe në bazë të së cilës, prokuroria shqiptare kërkoi heqjen e imunitetit të Ilir Metës. Në këtë seancë, Prokurori i çështjes Bujar Sheshi pretendoi se 3 ekspertët Bujar Pollo, Artur Rrahmani e Ermal Beqiri nuk kanë njohuritë e nevojshme për të kryer ekspertimin, ndërkohë që përzjedhja e tyre I ka marrë shumë kohë gjykatës, duke përzgjedhur tre ekspertët më të mirë në fushën kibernetike, madje një prej tyre ka tashmë laboratorin e tij privat në fushën e eskpertizës.

Ora e përgjimit është e vetmja provë që mund të vërtetonte nëse Ilir Meta ishte përfshirë ose jo në atë që Dritan Prifti e denoncoi si skandal korrupsioni. Ekspertiza ndaj saj nxori në shesh edhe faktin që me të qe regjistruar edhe një bisedë e Priftit me ish-zëvendësministrin Leronard Beqiri për një aferë korruptive prej 50 mijë eurosh, e cila më pas në mënyrë amatoreske qe fshirë nga vetë Prifti. Ndoshta kjo apo arsye të tjera që lidhen me pozicionimin politik të prokurorisë e shtynë këtë të fundit të kryejë këtë skandal të paprecedent. Aktualisht trupi gjykues është tërhequr për të marrë vendimin.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30