Zyrtarët vizituan të sulmuarit në veri

nga **Agim Gashi** Wed Sep 28, 2011 9:03 pm

Zyrtarët vizituan të sulmuarit në veri

(I plotësuar) - Pas sulmit të një grupi Kriminelësh serbë ndaj punëtorëve që po pastronin brigjet e lumit Ibër në veri të Mitrovicës, zyrtarët e komunës së Mitrovicës kanë qëndruar në Lagjen e Boshnjakëve, ku kanë takuar disa nga të sulmuarit.

Drejtori për Mbrojtje dhe Shpëtim, Behxhet Bala dhe drejtori për Integrime Evropiane dhe Mirëqenie Sociale, Kastriot Jashari, të cilët u takuan me banorët në veri, kanë dënuar sulmin dhe njëherit kanë kërkuar nga banorët që të jenë gjakftohtë dhe të mos bien në provokimet e strukturave kriminale serbe.

Bala tha se këto grupe janë të interesua që me çdo mënyrë të eskaloj situata.

“E kuptojmë gjendjen tuaj të rëndë, por ju duhet të vazhdoni të jeni të përgjegjshëm sikur që keni qenë gjatë gjithë këtyre ditëve”, tha ai para banorëve të Lagjes së Boshnjakëve.

Në anën tjetër, banorët kanë kërkuar më tepër siguri. Ata u ankuan se vazhdimisht ndihen të kërcënuar nga grupet kriminale serbe, të cilët i provokojnë në mënyra të ndryshme. Sipas tyre, situata po mbahet nën kontroll vetëm fal maturisë së tyre.

Lidhur me sulmin që ka ndodhur në veri, saktësisht në afërsi të brigjeve të Ibrit karshi vendit të njohur si Dudi-Kërrsh, në hollësi tregoi Avni Beqiri, një nga të sulmuarit. Ai tha se sot ishte dita e parë e punës për pastrimin e brigjeve të Ibrit sipas një projekti që financohet nga USAID-i.

Sipas tij, kanë qenë rreth 40 punëtorë, shumica shqiptarë, por edhe serbë, boshnjakë, romë etj.

“Kemi filluar punën në orën 09:00, ndërsa rreth orës 11.00 në vendin ku kemi qenë duke punuar kanë ardhur shpejt katër automjete, ndërsa prej tyre kanë dal persona të maskuar, të cilët menjëherë na kanë sulmuar duke na sharë në gjuhën serbe”, tha ai.

Beqiri tha se dy ose tre veta që kanë qenë më të moshuar janë zënë nga ata persona të maskuar dhe janë rrahur brutalisht.

“Unë dhe shumë të tjerë e kemi kaluar lumin dhe kemi dalur në jug. Mezi kam shpëtuar pa u mbytur në ujë, meqë nuk di të notoj”, sqaroi Beqiri.

Në anën tjetër, zyrtarët e Shtëpisë së Shëndetit në Mitrovicë, konfirmuan se të mërkurën kanë kërkuar trajtim mjekësor 7 veta që ishin sulmuar në veri. Prej tyre, 3 veta kanë qenë të atakuar fizikisht, por gjendja e tyre është jashtë rrezikut.

Kriminelët serbë sulmojnë me armë zjarri shqiptarët

Dhjetëra shqiptarë janë sulmuar rreth orës 11.00 nga një grup kriminelësh serbë në vendin e quajtur “Qeshmellug” që ndodhet në

veri të Mitrovicës, përkatësisht në Lagjen e Boshnjakëve. Bëhet e ditur se nga sulmi me armë zjarri tre shqiptarë janë lënduar, ndërsa për tre të tjerë nuk dihet as ku janë.

Në fakt, kanë qenë rreth shtatë ekstremistë serbë, të cilët të maskuar me tri vetura dhe kanë shtënë me armë zjarri ndaj shqiptarëve që ishin duke punuar në kuadër të një projekti të USAID-it për pastrimin e lumit Ibër.

Si pasojë e kësaj, tre qytetarë shqiptarë janë lënduar dhe po trajtohen në Qendrën e Mjekësisë Familjare në Mitrovicë, kurse për tëre të tjerë ende nuk dihet se ku janë.

Ndryshe situata në Lagjen e Boshnjakëve është e tensionuar pas bllokadave që bënë kriminelët serb për gjithë pjesën veriore dhe provokimeve të herë pas hershme ndaj shqiptarëve. Kjo ka bërë që edhe shqiptarët që gjenden në Lagjen e Boshnjakëve t’i ndalojnë serbët që të kalojnë atypari.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30