Rrahje masive mes bandave në veri

nga **Agim Gashi** Thu Sep 29, 2011 7:06 pm

Rrahje masive mes bandave në veri

(I plotësuar) - Rrahje masive mes dy bandave nga veriu i Mitrovicës dhe Zveqani ka ndodhë të enjten pasdite në veri të Mitrovicës, ku janë përdorur armë të ftohta, mjete të forta dhe gurë.

Sipas këtyre burimeve, janë shumë persona të lënduar, por deri tani vetëm dy prej tyre kanë kërkuar ndihmë në spitalin që ndodhet në veri të Mitrovicës.

Incidenti ka filluar në shkollën e mesme teknike, për të vazhduar nëpër rrugët e qytetit, dhe duke përfunduar në njërën prej lokaleve, të cilin e kanë demoluar tërësisht.

“Dikush prej pjesëmarrësve në këtë përleshje ka hedhur një mjet shpërthyes brenda lokalit, me ç’rast ka shkaktuar zjarr, nga i cili janë shkaktuar dëme materiale”, kanë thënë burimet.

Shkaku i kësaj përleshje nuk është bërë i ditur, ndërsa incidentin e ka konfirmuar edhe zëdhënësi i policisë në Mitrovicë, Besim Hoti, i cili ka thënë se policia është në ndjekje të personave pjesëmarrës të këtij incidenti.

Arrestohet një serb për sulmin e djeshëm në Lagjen e Boshnjakëve

Policia e Kosovës ka arrestuar të mërkurën mbrëma një serb nën dyshimin se ka marrë pjesë në sulmin e së mërkurës në Lagjen e Boshnjakëve në veri të Mitrovicës, me ç’rast ishin lënduar tre persona.

Sipas këtyre burimeve, me urdhër të prokurorit të dyshuarit i është caktuar mbajtja policore për 48 orë.

>> Kriminelët serbë sulmojnë me armë zjarri shqiptarët >> Komente (80)

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30