Gashi: “Klan Kosova” po dezinformon

nga **Agim Gashi** Mon Oct 03, 2011 11:24 pm

Gashi: “Klan Kosova” po dezinformon

Komuna e Prishtinës, përmes një komunikate për medie, kronikën e paraqitur në televizionin “Klan Kosova”, duke e ndërlidhur atë me motivet e vrasje së sotme të drejtorit të Drejtorisë për Arsim në Komunën e Prishtinës, Remzi Salihu, e ka quajtur dezinformatë.

Muhamet Gashi, zëdhënës i Komunës së Prishtinës, ka thënë se, për të sqaruar saktë aktorin e kësaj vrasje mizore është përmendur pa prapavijë në kronikën e emituar në TV Klan Kosova, para pak muajve, ku i intervistuar ka qenë dorasi.

“Sqarojmë opinion e gjerë se kjo vrasje në asnjë rast nuk është lidhur me kronikën e transmetuar në Klan Kosova. Kronika në fjalë është përmendur vetëm për ta identifikuar vrasësin e dyshuar, i cili është i paraqitur në atë kronikë për një rast tjetër që nuk ka të bëjë fare me rastin që ka ndodhur sot. Drejtori i Drejtorisë për Arsim në Komunën e Prishtinës, nuk është përfshirë fare në rastin e emituar në kronikën e Klan Kosovës dhe nuk ka pasur kurrfarë konflikti me dorasin”, ka thënë Gashi.

Ndërkaq, sa i përket sigurisë në objektet e Komunës së Prishtinës, Gashi ka thënë se nuk janë vendosur masa rigoroze për ndalimin e palëve të cilët i drejtohen Komunës së Prishtinës.

“Komuna e Prishtinës të vetmin qëllim ka pasur që qasja e qytetarëve për të realizuar shërbimet e tyre në komunë, të jetë më e lehtë. Aty ku është vlerësuar se siguria duhet të jetë e lartë, komuna ka ndërmarrë masat e duhura të sigurisë, ndërsa në Drejtorinë e Arsimit nuk është pritur që do të ndodhte një gjë e tillë, kur dihet se këtë drejtori e frekuentojnë vetëm punonjës të arsimit, njerëz të arsimuar, siç ka qenë edhe vet dorasi punëtor arsimor, i cili ka qenë i njohur për stafin e kësaj Drejtorie dhe nga punëtorët e sigurimit , sot nuk është penguar të hyjë në objektin e komunës, dhe ka kryer aktin kriminal”, ka theksuar zëdhënësi Gashi

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30