“Etje” sjell rrëfimin e zviceranit për shqiptarët

nga **Agim Gashi** Wed Oct 05, 2011 12:36 pm

“Etje” sjell rrëfimin e zviceranit për shqiptarët

Publikuar: 05.10.2011

Prishtinë, 5 tetor – Mënyra se si shikohen emigrantët shqiptarë nga një shkrimtar zviceran pasqyrohet në 270 faqe të librit “Etje”. Romani kriminalistik, policor, po edhe i ndërthurjeve shumëplanëshe realiste i autorit të ri zviceran Beat Portmann ka ardhur në shqip. Promovimi i librit të përkthyer nga gjermanishtja nga Bardhec Berisha është promovuar mesditën e së martës në katedralen “Nënë Tereza” në Prishtinë.

Rrëfimi i romanit “Etje” ndalet ekskluzivisht te lufta në Bosnjë, ku Portman i gjen edhe shkakun e pasojat e luftës në gjysmën e viteve ’90.

Në promovimin e librit ka qenë i pranishëm edhe përkthyesi Bardhec Berisha, i cili që nga viti 1983 jeton në shtetin helvetik. Ai ka folur kryesisht për autorin, veprën e të cilit e ka përkthyer.

“Është një shkrimtar dhe jazz muzikant, i cili përkrah dhe kontribuon në integrimin e shqiptarëve në Zvicër”, ka thënë ai.

Për romanin ka folur poeti dhe publicisti Prend Buxhala, që ka bërë redaktimin e botimit në shqip të “Etje”.

“Romani temën e merr nga jeta e emigracionit të popujve të shumtë që vërshojnë Zvicrën dhe, në këtë aspekt, aty ndërthuren edhe intrigat politike, ato të krimit, të shpëlarjes së parave, të prostitucionit, të dilerëve të drogës e të rinjve të droguar, të kriminelëve të luftës, të pastruesve të parave, por edhe tema e eliminimit fizik me konotacione të përfitimit personal, ku hakmarrja politike merret vetëm si kornizë e realizimit të interesave të tjera”, ka thënë Buzhala.

Ndërkohë ka folur edhe Hajdin Morina. Sipas tij, romani “Etje” duhet dhe meriton të lexohet më shumë se një herë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30