Janë caktuar çmimet për pasaportë biometrike

nga **Agim Gashi** Thu Oct 06, 2011 8:14 pm

Janë caktuar çmimet për pasaportë biometrike

Ministri i Punëve të Brendshme të Kosovës, Bajram Rexhepi ka marrë vendim për përcaktimin e tarifave të çmimeve për pasaportë biometrike të Republikës së Kosovës.
Për marrjen e Pasaportës biometrike të Republikës së Kosovës, qytetari duhet të paguajë, shumën si në vijim:
- Për marrjen e pasaportës për herë të parë, çmimi është 30 euro;
- Për marrjen e pasaportës të humbur, apo dëmtuar, për ndërrim apo ripërtëritje të dhënave, çmimi është 35 euro;
- Për marrjen e pasaportës për fëmijë deri në moshën 3 vjeç, çmimi është 20 euro;
- Për marrjen e pasaportës për fëmijë prej 3 deri në 18 vjeç, çmimi është 25 euro;
- Për marrjen e pasaportës diplomatike, çmimi është 50 euro;
- Për marrjen e pasaportës zyrtare, çmimi është 35 euro.
Çmimi i pasaportës biometrike për pensionistët është 20 euro.
Ky vendim është marrë duke u mbështetur në nenin 145 (pika 2) të Kushtetutës së Republikës së Kosovës, duke marrë parasysh nenet 4, 21, 22 të Ligjit për Administratën Shtetërore të Republikës së Kosovës, si dhe duke u bazuar në nenin 8 (paragrafi 1.4) dhe Shtojcën 3 të Rregullores për fushat e përgjegjësisë administrative të Zyrës së Kryeministrit dhe ministrive, si dhe në Ligjin për dokumente të udhëtimit.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30