Mentor Thaqi:MIRËKUPTIM PA OFENDIM, KOMBI IM!

nga **Agim Gashi** Fri Oct 07, 2011 11:33 am

Mentor Thaqi:MIRËKUPTIM PA OFENDIM, KOMBI IM!
Thjeshtë, Atdhedashuri dhe harmoni vëllazërore mes besimesh!!!

Eeeeh!
... Është bërë vështirë të flasësh,
qebesa, vështirë dhe të shkruash,
dikush menjëherë preket
n´hidhërim bëhet zeher,
pastaj t´bëjnë të plasësh,
të akuzojnë, t´nemin dhe të truajn,
dhe dalin sheshit teket
nga ndonjë maraz i vjetër!

Të kritikosh fenomene
që po shëmtojnë shoqërinë
dhe po e pengojnë Kombin
që të ecë përpara,
vetes i hapë probleme,
n´përballje me stuhinë,
t´thonë se e shave popullin
dhe merr dhuratë të shara!

Mendimi i shprehur, i lirë
i bazuar në fakte-argumente,
për shëmtinë e sotit
që po na e zë frymen,
nuk pritet aspak mirë
nga disa koka temperamente,
si lulja n´mëshirë të motit,
n´përballje me brymen!

Ah, po a duhet të ketë
me të metat konsensus,
kur e dijmë se shum keq
po na prishin imazhin,
mendoj se në jetë
do ishte një lapsus,
do të ishte punë për dreç,
shëmtisë të i shtojmë tirazhin?!

Po kush ka më shumë hise
se sa unë në Fenë time,
në Komb, në Atdhedashuri
apo edhe në Shtetin tim?!
Akuza të rënda sadiste,
në të Drejten Sublime,
a nuk është çmenduri
dhe a nuk është ky krim?!

Jo, nuk jam anti-islamist,
nuk dua të jem as vehabist,
nuk jam as dhe semitist,
nuk kam as karakter të pistë!
Thjeshtë, jam një Shqiptar
që i don Komb dhe Shtet,
nuk dua të jem qyqar
dhe për pesëqind vjet!

Andaj, mos bëni akuza
që nuk pijnë ujë fare,
kinse e urrej një Fe
dhe favorizoj fenë tjetër,
mos lidhni më tërkuza
në qafen e hollë shqiptare,
kem veç një Atdhe:
Arbërinë tonë të re-t´vjetër!

Unë, fuqishëm besoj në Zot,
e kam besimin tim,
jam shumë i përkushtuar,
për harmoninë tonë fetare,
kush çfarë të dojë le t´thotë
por, mirë le ta din,
nuk jam i mashtruar
nga ndonjë rrymë qyqare!

Le të jetë ky një testim,
se sa kemi mirëkuptim!!!
Mentor Thaqi:MIRËKUPTIM PA OFENDIM, KOMBI IM! 305486_283329561696456_100000582437455_1017626_1680355299_n

Mentor Thaqi:MIRËKUPTIM PA OFENDIM, KOMBI IM! 305486_283329561696456_100000582437455_1017626_1680355299_n

Mentor Thaqi VS., 06.10.2011

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30