Në 12 vjetorin e themelimit PDK diskuton për reformën zgjedhore

nga **Agim Gashi** Tue Oct 11, 2011 8:31 pm

Në 12 vjetorin e themelimit PDK diskuton për reformën zgjedhore

Partia Demokratike e Kosovës ka mbushur 12 vjet. Kjo parti që tani është në qeverisje, përkundër disa paralajmërimeve nuk ka mbajtur asnjë manifestim për të shënuar ditëlindjen e 12-të. Sidoqoftë ky përvjetor e ka mbledhur të martën Kryesinë e PDK-së, e cila nën drejtimin e kryetarit të saj, Hashim Thaçi, ka diskutuar lidhur me reformën zgjedhore dhe gjendjen e përgjithshme në vend, sidomos për pjesën veriore.

Takimi i sotëm i Kryesisë së PDK-së është mbajtur pa praninë e mediave, por nëpërmjet në komunikate për media të këtij subjekti thuhet se janë diskutuar një sërë çështjes.

“Në mbledhje është diskutuar për procesin e reformës zgjedhore, me theks të veçantë për zgjedhjen e Presidentit të Kosovës me votim të drejtpërdrejtë nga qytetarët, si dhe për ndryshimin e sistemit zgjedhor në funksion të krijimit të më shumë zonave zgjedhore”, thuhet në komunikatën e PDK-së.

Kryetari i PDK-së, njëherit kryeministër i Kosovës, Hashim Thaçi në mbledhjen e Kryesisë së PDK-së, thuhet se bëri një ekspoze të gjendjes së përgjithshme në vend, duke u fokusuar në gjendjen në veriun e vendit.

Thaçi, siç thuhet në komunikatë, e ka ritheksuar përkushtimin e Qeverisë së Republikës së Kosovës, për vazhdimin e fuqizimit të sundimit të rendit dhe ligjit në pjesën veriore, heqjen e barrikadave, fillimin e procesit demokratik zgjedhor, investimet ekonomike dhe hapjen e perspektivës zhvillimore për qytetarët e Kosovës në pjesën veriore të vendit.

Në mbledhjen e Kryesisë së PDK-së thuhet se temë bosht ishte edhe shënimi i përvjetorit të 12-të të themelimit të Partisë Demokratike të Kosovës me manifestime në Prishtinë dhe në qendra tjera të vendit.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30