VV: Raporti i Progresit evidenton paaftësinë e qeverisë

nga **Agim Gashi** Thu Oct 13, 2011 11:58 pm

VV: Raporti i Progresit evidenton paaftësinë e qeverisë

Lëvizja Vetëvendosje vlerëson se Raporti më i ri i Komisionit Evropian për Kosovën në parim nuk ka risi ngase sipas tyre, të gjitha faktet e evidentuara në këtë raport janë ngritur si kritika nga Lëvizja Vetëvendosje! Ky raport sipas kësaj lëvizjeje evidenton se: Korrupsion në të gjitha sferat e jetës në Kosovës: polici, dogana, administratë publike, arsim dhe shëndetësi, Krim të organizuar: trafikim me narkotikë, trafikim në qenie njerëzore, Ndikimin politik në gjyqësor, në punësime në administratën publike, Ndikimin e politikës në media, Keqmenaxhimin e buxhetit,

Mungesën e planit zhvillimor e politikave te mirëfillta ekonomike, Evidenton edhe mungesën e një strategjie apo plani të veprimit për ta bërë Kosovën shtet sovran të mirëfilltë, Evidenton moszbatimin e ligjeve dhe mungesën e vullnetit politik.

“Për më tepër , në raport thuhet se kjo Qeveri nuk ka as plan te veprimi për reformën në administratë e kjo kur dihet mirë se administrata është motori i punës së një qeverie. Mbi të gjitha konfirmohet ajo që po flitet tash e sa kohë në media dhe shqetësimi i vet Lëvizjes Vetëvendosje! se në Administratë Publike ka punësime politike. Sa i përket gjyqësorit, progresi i shënuar merret vendimi i Gjykatës Kushtetuese për heqjen e Imunitetit të deputetëve, që për mendimin tonë nuk është aspak për t’u quajtur progres. Për më tepër në pjesën e gjyqësorit gjithçka që shënohet më pas është regres dhe stagnim. Si: Rastet e grumbulluara, të pashqyrtuara e të pa-ekzekutuara. Ndikime politike, kërcënime e intimidime. Në raport thuhet shprehimisht se: “gjyqësori është i dobët dhe joefikas. Ndikim politik në gjyqësor është brengosës”, thuhet ndër tjera në komunikatën e VV-së.

“Korrupsioni evidentohet të jetë prezent në të gjitha fushat e jetës shoqërore e politike në Kosovë. Korrupsioni në polici, dogana, dhe shërbime gjyqësore. Preken po ashtu dhe shëndetësia dhe arsimi. Thuhet haptazi se deklarimet e pasurisë së zyrtarëve të lartë nuk përkojnë me të hyrat e tyre reale. Po ashtu evidentohet edhe ngecja në punën e Agjencisë antikorrupsion e cila sipas raportit po merret më shumë me aktivitete sensibilizuese sesa me ndjekjen e rasteve të korrupsionit”, thuhet ndër tjera.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30