Drews kërkon heqjen e pakushte të barrikadave

nga **Agim Gashi** Sat Oct 15, 2011 8:55 pm

Drews kërkon heqjen e pakushte të barrikadave

Publikuar: 15.10.2011 - 13:14
Prishtinë, 15 tetor (E plotësuar) - Komandanti i KFOR-it, Erhard Drews ka kërkuar nga përfaqësuesit serbë të veriut të vendit, me të cilët ka biseduar gjatë ditës së shtunë në kampin Nothing Hill afër Leposaviqit, që pa kurrfarë kushtesh të heqin të gjitha barrikadat që i kanë vënë nëpër rrugë.
Sipas agjencisë serbe Tanjug, Drews ka theksuar se pret heqjen e bllokadave të rrugëve në mënyrë që të sigurohet që njerëzit, ndihma e shpejtë, EULEX-i dhe KFOR-i të lëvizin të lirë nëpër rrugët që shpien për në Bërnjak dhe në Jarinje.

Barrikadat, Drews kërkon mënjanimin deri të hënën

Pavarësisht kërkesës së EULEX-it dhe KFOR-it që serbët lokalë t’i largojnë barrikadat e vendosura në veri të vendit, ato ende vazhdojnë të jenë të pranishme.
Autoritetet e rendit në Mitrovicë thonë së deri më tash nuk kanë vërejtur ndonjë indikacion që serbët do të bëjnë vetë zhbllokimin e rrugëve.
Zëdhënësi i Policisë së Kosovës për rajonin e Mitrovicës, Besim Hoti tha për radion Evropa e Lirë se “serbët jo që nuk kanë larguar barrikadat por ata kanë bllokuar edhe një nga rrugët e veriut”.
“Ne kemi pasur edhe vendosje të disa kontejnerëve të mbeturinave në udhëkryqin e rrugës “Mbreti Petar”, përkatësisht është rruga e cila shkon në drejtim të lagjes Kodra e Minatorëve në veri të Mitrovicës. Një drejtim i rrugës është i bllokuar, por nuk është një bllokim fiks. Kemi një grup të personave që qëndrojnë pranë këtyre barrikadave me qëllim që të shkaktojnë ndonjë incident të mundshëm me personat të cilët dëshirojnë t’i largojnë ata kontejnerë”, bëri të ditur Hoti.
Barrikada të reja janë vendosur te ish-kazerma ushtarake, nё afёrsi tё spitalit nё veri tё Mitrovicёs, dhe nё vendin e njohur si Te Berilet, ish-Jugobanka, nё rrugёn nё drejtim tё Kodrёs sё Minatorёve.
Sipas njoftimeve të pakonfirmuara, bëhet e ditur se komandanti i KFOR-it, Erhard Drews në kampin Nothing Hill është duke zhvilluar një takim me strukturat ilegale nё veri tё vendit.
Po sipas këtyre burimeve, ai në këtë takim ka kërkuar që barrikadat të hiqen deri të hënën, në të kundёrtёn KFOR do t’i heqё ato vetё.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30