Replikat Topi-Topalli: Gjuha ime e preferuar, ajo e bashkimit

nga **Agim Gashi** Mon Oct 17, 2011 8:16 pm

Replikat Topi-Topalli: Gjuha ime e preferuar, ajo e bashkimit

(I plotësuar) - Replikat mes Presidentit Bamir Topi dhe kryeparlamentares, Jozefina Topalli, konkretisht ato për gjuhën shqipe kanë rënë dhe në vesh të ndërkombëtareve. Ambasadori i BE në vendin tonë, Ettore Sequi u shpreh se gjuha më e këndëshme për veshin e njeriut është gjuha e bashkimit.

“Një nga motot e BE është të jemi të vashkuar në diversitetin tonë, të ndryshëm por të bashkuar. Cfarë do të thoë kjo? Ne kemi gjuhë të ndryshme, por ne e kuptojmë njëri-tjetrin. Nëse më pyesni se cila është gjuha që unë kam më qejf, unë do përgjigjem thjesht, gjuha ime e preferuar është gjuha e bashkimit”, iu përgjigj gazetarëve Sequi nga Shkodra ku ndodhej për një vizitë në qendrën e informimit të BE në Shkodër.

Ambasadori theksoi se BE do të ndihmojë por politika duhet të mbajë përgjegjësi për vendin.
“Europa është këtu për t’ju ndihmuar, por kjo është përgjegjësi e juaja se ky eshte vendi dhe ardhmja juaj”.

Më tej ambasadori komentoi dhe rreth raport-progresit të BE për Shqipërinë ku deklaroi se në muajin Dhjetor do të diskutihet në BE për ecurinë e Shqipërisë në periudhën Tetor 2010-shtator 2011.
Ambasadori kërkoi që në kohën në vijim duhet të punohet shumë që të merren sinjale pozitive që vendi ka ecur shumë për zbatimin e rekomandimeve të BE.
“Sinjalet pozitive Këshilli i Europës do i marrë në konsideratë. Refoma zgjedhore duhet të ejtë nje nder prioritetet kyce, por theksoj se duam sinjale te disa llojave të ndryshme, jo vetëm për reformen zgjedhore.
Neës says:
“Shqiperia ka nevoje te shpalose potencialet e saj. Jam i inkurajuar, se me të gjithë personat me te cilet kam folur, politik apo shoqerore pranojnë se ceshtjet e raport-progresit duhet te permbushen”., tha Sequi.

Presidenti Topi: Topalli nuk përfaqëson kurrë Shkodrën qytetare

Një ditë pasi sulmoi kryeparlamentaren Jozefina Topalli se nuk di te flase shqip, Kreu i shtetit Bamir Topi iu është përgjigjur sot informacioneve që e akuzonin se kishte fyer qytetarinë shkodrane me deklaratën e bërë.
Nëpërmjet një njoftimi për shtyp, Presidenca sot thekson se asnjë fjalë e Presidenti të Republikës nuk ka qenë kritikë ndaj shkodranëve dhe traditave të tyre qytetare.

“Presidenti z. Bamir Topi është njohur përmes burimeve zyrtare me disa deklarata e nisma të njëanshme, të pasakta dhe denigruese të ndërmarrë ndaj tij dhe institucionit që përfaqëson nga individë apo grupe të caktuara partiake lidhur me vizitën e suksesshme në Shkodër. Në respekt të qytetarisë shkodrane, opinionit publik dhe përgjegjësisë institucionale Presidenti sqaron se në asnjë rast, në asnjë fjalë apo veprim të tij nuk ka bërë komente kritike ndaj qytetit të Shkodrës, qytetarisë së saj, traditës së pasur të gjuhës apo të kulturës së saj”.
Sic theksohet më tej, mesazhi kritik kishte adresë vetëm një person, (që nënkuptohet se është kryeparlamentarja Jozefina Topalli), që sipas Presidentit po shfrytëzon postin dhe votën e shkodranëve me qëndrime joinstitucionale. Presidenti thekson se
grupe të izoluara me interesa partiake mbështesin këtë zyrtare dhe sjellin informacione jokorrekte për publikun.

“Mesazhi kritik i Presidentit, sic mund të vërtetohet direkt përmes regjistrimeve televizive i është adresuar nominalisht një zyrtari të lartë të shtetit, e cila me qëndrime e sjellje joinstitucionale, keqpërdor detyrën kushtetuese, postin publik, etikën institucionale të komunikimit dhe vetë votën demokratike të Shkodrës. Cdo interpretim tjetër është jorealist dhe i sponsorizuar nga zyrtarë të vecantë, të cilët duan ta mbajnë qytetin peng të axhendave të tyre personale politike. Për këdo sot është e qartë se ky ose këta individë nuk përfaqësojnë Shkodrën as traditat e saj të cmuara kulturore, por vetëm një grup individësh të lidhur me interesa specifike pushteti, të cilët me rotacion nominal e kanë pronësuar me pa të drejtë vendimmarrjen politike të këtij qyteti. Kjo sjellje abuzuese me mandatin përfaqësues dhe vullnetin e qyterarisë shkodrane, me siguri që nuk ka dhe nuk mund të ketë mbështetje qytetare, përvec grupeve të tilla të izoluara dhe të lidhura me interesa të ngushta ekonomike e politike”, citon njoftimi për shtyp duke ritheksuar se Presidenti i Republikës shpreh vlerësimin e tij më të lartë për Shkodrën dhe gjithcka që ky qytet ka përfaqësuar denjësisht në historinë e shtetit dhe shoqërisë shqiptare.

Topi: Topalli të mësojë të flasë, Topalli: Flas shqipen e Fishtës, jo të Haxhi Qamilit

Presidenti i Republikës së Shqipërisë Bamir Topi dhe Kryetarja e Parlamentin Jozefina Topalli kanë shkëmbyer replika të forta në distancë sa i përket deklaratave që ato kanë bërë ditët e fundit në publik ndaj njëri-tjetrit.
Presidenti Topi nga Shkodra ka reaguar ndaj deklaratave që Kryeparlamentarja Jozefina Topalli ka bërë ditë më parë ku e katheksuar se kreu i shtetit kohët e fundit ka luajtur majtas dhe sëbashku me kreun e opozitës i përkasin celulave anti-europiane.
Në reagimin e tij presidenti Topi ka shpërthyer nga qëndrimet e fundit ndaj tij duke theksuar se Kryeparlamentarja Topalli duhet më parë të mësojë të artin e komunikimit.
“Spikeret kanë detyrë të recitojnë bukur atë që shruhet, por në rastin konkret Zonja Topalli duhet të flasë korrekt gjuhën shqipe, duhet të mësojë artin e komunikimit. Së pari këto zotëri duhet të dinë të komunikojnë në një shtet demokratik, ku pushtetet janë të ndara jo sipas vullneteve të individëve të caktuar, por sipas Kushtetutës”,- deklaroi Topi.
Ndërkohë ka vijuar ‘lufta’ e deklaratave mes krerëve të dy institucioneve më të larta në vend, pjesë e akuzave midis presidentit dhe kryetares së Parlamentit u bënë personalitetet historike të Shqipërisë së Veriut dhe të Mesme.
Reagimi i kryetares së Kuvendit ka qenë i menjëhershëm. Përmes një mesazhi të shpërndarë në media zyra e Kuvendit thekson:
“Topalli thekson se flet me krenari dhe vetëdije shqipen më të bukur, atë shqipe që foli Fishta, Migjeni dhe Gurakuqi. Atë gjuhë Haxhi Qamili nuk e kupton dot”,- thekson Topalli në reagimin e saj të shkurtër.
Kjo deklaratë është pasuar me tjetër reagim të zyrës së Presidentit, ku me nota ironike thuhet:
“Presidenti vlerësoi sonte në Shkodër të gjitha familjet e njohura e me tradita qytetarie, kulture dhe sportdashëse që i kanë dhënë emër Shkodrës dhe krenari gjithë Shqipërisë. Nisur nga deklarata e zyrës së shtypit të Kuvendit, zyra e shtypit të Presidentit shpreh bindjen se po të ishin gjallë Gjergj Fishta, Kol Idromeno, Migjeni e Luigj Gurakuqi do ndiheshin të fyer kush po i përfaqëson me mungesën e etikës, kulturës politike dhe institucionale dhe respektit për shqipen zyrtare në Republikën e Shqipërisë”.
Kryetarja e Kuvendit, akuzoi dy ditë më parë Presidentin e Republikës dhe kreun e Partisë Socialiste, Edi Rama si përgjegjësit kryesorë për refuzimin që Brukseli i bëri kërkesës së Shqipërisë për statusin e vendin kandidat në Bashkimin Europian.
“Përsa i takon arsyes, për të cilën nuk është marrë statusi i vendit kandidat, bojkoti dhe bllokim. I unë i kam parë gjithmonë bashkë, zotin Topi dhe zotin Rama gjatë gjithë këtyre viteve”, tha Topalli.
E pyetur nga mediat nëse ky qëndrim i saj ka të bëjë me të ashtuquajturën “celula anti-europiane” në vend, kryeparlamentarja u përgjigj qartësisht: “sigurisht që po”. Kreu i PS Rama reagoi ndaj deklaratave nëmënyrë krejt të vecantë që kohët e fundit po e përdor shpesh me komunikimin me publikun. Lideri i opozitës nëpërmjet një mesazhi të shkurtër në rrjetin social Tëitter “Nëse Presidenti dhe unë jemi një celulë antieuropiane atëherë Jozefina është Marelyn Monroe kurse Saliu John Lennon”.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30