Arrestohen dy vetë nga Serbia

nga **Agim Gashi** Thu Oct 20, 2011 7:34 pm

Arrestohen dy vetë nga Serbia

Dy të dyshuar, Nikoliq S. (1990) dhe Prokiq S. (1982), shtetas të Republikës së Serbisë, banorë të Kragujevcit, janë identifikuar dhe janë arrestuar nga Policia e Kosovës në Leposaviq, pasi të njëjtit besohet të kishin qenë të përfshirë në një rast të grabitjes dhe shkaktimit të lëndimeve të rënda trupore me një armë zjarri, të kualifikuar si vepër penale “vrasje në tentativë”.

Rasti është raportuar të ketë ndodhur rreth 20 minuta pas mesnatës, në afërsi të kafeterisë “Izvor” në fshatin Grabovc të Zveqanit, ndërsa viktima e këtij rasti, një 50 vjeçar, i përkatësisë etnike serb, banor i Kragujevcit, Republika e Serbisë, ka pësuar lëndime trupore, të shkaktuara me armë zjarri nën vesh në anën e djathtë dhe është dërguar në qendrën spitalore në veri të Mitrovicës, në repartin e kirurgjisë, ku edhe është mbajtur për tretman mjekësor.

Në bazë të informatave preliminare të policëve në vendngjarje, mësohet se incidenti kishte filluar me grabitje derisa dy të dyshuarit, pa ndonjë paralajmërim, kanë shtënë në viktimën e tyre ndërsa i kanë grabitur automjetin e tij “Golf VI” me targa “KG”, me të cilin automjet edhe janë larguar nga vendi i ngjarjes duke e lënë prapa viktimën e plagosur.Menjëherë pas incidentit të raportuar, Policia e Kosovës në Zveqan, ka njoftuar qendrën komunikuese për të bërë njoftimin e stacioneve tjera për vënien në fuqi të planit “unaza e çeliktë” në kërkim të sulmuesve të armatosur.

Një aktivizim i njësive policore ka rezultuar me sukses të ndalimit dhe arrestimit të dy të dyshuarve të këtij akti kriminal.Të dyshuarit fillimisht janë dërguar në stacionin Leposaviq, për t’iu dorëzuar më pas hetuesve policorë të stacionit Zveqan.

Me autorizim të prokurorit publik, ndaj dy të dyshuarve është caktuar masa e ndalimit policor për zhvillim të hetimeve të detajuara.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31