Enxhi Krasniqi Bardhaj:SHPELLA E DJERSES SIME

nga **Agim Gashi** Wed Oct 26, 2011 10:37 pm

Enxhi Krasniqi Bardhaj:SHPELLA E DJERSES SIME

Nata bashk me lodhjen heshti
Rrezet e diellit kamxhikuan dheun,
Ajri i mbushur me ngjyra vezulluese
Ngrihej valë-valë nga vet gjiri i dheut.
U mbyten tingujt e kujteses
Me nuancat e obligimeve dhe shpresës,
Dhe zhduku ndjenjën e mjegullës.

Keto nuanca fshehin vjedhurazi natën.
Kërkesat e njerëzve mbesin të njejta,
Puna thërret,ligjet nuk ndryshojnë
Edhe pse ngjyrat e diellit vezullojnë.

Si pemë e vetme pres gjelbërimin,
Përziej në një britmë forcen me durim
Duke mos u dorëzuar ndaj qellimit,
Gjersa e ledhatoj në makinen e kujtimit.

Lodhur dhe mbuluar me djersë
Ligështuar nga mendja dhe puna,
Drithmat e shpifura pren fuqinë,
Lodhja shemb trupin dhe krenarinë.

Nuk kam kohe ti palos duart mbi gjunjë,
Ti mbledh kruspull për ti bërë ballë lodhjes,
Por sytë kapsallis të vështroj përtej maleve
Atje ku gjendet e bukura hënë,
Shpella e Gadimes,
Që cuditërisht më duket se ngjason
Me trupin tim, djersë që pikon.

Ti ke katin nenujor që të shton madhështinë,
Une kam pellgun me lot
Sa herë kam mallengjim!
Ti ke katin e siperm që duhet eksploruar,
Unë kam ëndrren që duhet përfunduar!
Ti ke katin e mesem për vizitor që i mahnit
Unë shëndris me shpirt shqiptar ngado që ik!
Ti ke kristale të rralla me vlera evropiane,
Une kam piken e djersës me vlera familjare.
Ti shenderit me vezullimin tend
Unë shpresoj me djersën e dhënë.

Ca re kaluan lehtë mbi fytyren time
Dhe moren me vete këto krahasime.
Pa pipëtire heshtjen në jataqet e mia
Përvëlohem për të bukurat burime!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30