Thaçi i kundërpërgjigjet ish bashkëluftëtarit Selimi

nga **Agim Gashi** Thu Oct 27, 2011 8:13 pm

Thaçi i kundërpërgjigjet ish bashkëluftëtarit Selimi

Të thuhet se veriu i Mitrovicës është më keq se para 25 korrikut, është sikur të thuhet se Kosova është më keq se para 10 qershorit të vitit 1999. Këtë përgjigje kryeministri Hashim Thaçi ia ka adresuar ish bashkëluftëtarit dhe njëherësh deputetit të Lëvizjes Vetëvendosje, Rexhep Selimi, i cili gjatë debatit të sotëm tha se situata në veri është madje më keq se në vitin 1999, kur bandat serbe iknin, kurse tani sulmojnë.

Kreu i ekzekutivit ka theksuar se aksioni i 25 korrikut ishte ndryshimi pozitiv për veriun e Kosovës dhe nuk mund të bëhen krahasime të tilla.

“Të thuhet se veriu i Mitrovicës është më keq se para 25 korrikut, është sikur të thuhet sikur Kosova është më keq se para 10 qershorit 1999, është sikur të thuhet se Kosova është më keq se para shpalljes së pavarësisë së Kosovës. Unë e di që pretenduesit e të vërtetës dhe patriotizmit, pretenduesit si pronarë të patriotizmit në Kosovës edhe me çlirimin e Kosovës theksuan se kjo nuk është liria që na duhet ne, nuk është liria e plotë, nuk arritëm ta çlirojmë vetë vendin. Këtu është madhështia, që arritëm ta fitojmë përkrahjen ndërkombëtare”, ka thënë Thaçi.

Ai megjithatë ka falënderuar deputetët për debatet konstruktive, përderisa ka thënë se do të vazhdojë me përgjegjësi t’i kryej detyrat e tij si kryeministër i vendit në përputhje të plotë me kushtetutën, ligjet dhe obligimet ndërkombëtare.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30