Helmohen nxënësit shqiptar nga produktet serbe

nga **Agim Gashi** Sat Oct 29, 2011 11:10 pm

Helmohen nxënësit shqiptar nga produktet serbe

Qendra e Lëvizjes VËTËVENDOSJE! në Sharr, ka njoftuar nëpërmjet një komunikate për shtyp për helmimin e disa nxënësve shqiptar të shkollës fillore “28 Nëntori” në fshatin Bresanë të komunës së Sharrit.

Rasti ka ndodhur gjatë festimit të ditëlindjes së nxënësit Mukadin Fejzullahu, kur ai së bashku me shokët kanë konsumuar ëmbëlsira të llojit “Tako” të prodhuara në Serbi.

Më pas, nxënësit kanë filluar të ankohen për dhimbje të forta të barkut dhe vjellje e vazhdueshme. Drejtori i shkollës dhe kujdestari i klasës i kanë shoqëruar nxënësit menjëherë për në Spitalin Rajonal të Prizrenit.

Sipas tyre, shkas i helmimit ka qenë ky lloj i ëmbëlsirës, i cili edhe pse nuk kishte afat të skaduar, kundërmonte një erë të keqe. Doktoresha Lebibe Hasani nga Instituti për Shëndet Publik, ka pohuar se janë marrë mostra nga të vjellat e nxënësve dhe rezultatet e analizës përfundimtare të rastit konkret do të publikohen të hënën.

“Përveç dëmit ekonomik që po i sjell vendit konsumimi i produkteve serbe të cilin ne do të vazhdojmë ta denoncojmë, lejimi i qarkullimit të tyre në treg nënkupton pranimin e vetëdijshëm të rrezikut real të cenimit të shëndetit publik, ashtu siç ndodhi me fëmijët në Bresanë të Sharrit”, thuhet në komunikatën e Lëvizjes VËTËVENDOSJE!.

Qendra e Lëvizjes VËTËVENDOSJE! në Sharr, kërkon nga organet e rendit nisjen e menjëhershme të hetimeve për rastin konkret si dhe fillimin e ndjekjes penale ndaj importuesve vendor të këtyre produkteve.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30