Rugova: Për një kafe në Shqipëri!

nga **Agim Gashi** Fri Nov 11, 2011 6:49 pm

Rugova: Për një kafe në Shqipëri!

Ideja e hedhur e Ibrahim Rugovës para rreth dy decenieve për ndërtimin e autostradës Prishtinë-Durrës, që lidh Kosovën me Shqipërinë, që nga nesër po bëhet realitet. Ëndrra e Rugovës që, siç thoshte, "për një kafe në Shqipëri", përfundimisht po sendërtohet.

Nesër do të bëhet përurimi i segmentit të parë të autostradës që është emërtuar "Ibrahim Rugova", pas ndërtimit të 38 kilometrave të parë të autostradës Vërmicë-Merdar që lidh Kosovën me Shqipërinë me rrugën më moderne.

Kryeministri i Kosovës, Hashim Thaçi, ditë më parë ftoi deputetët në përurimin e këtij projekti që, siç thotë është edhe e standardit të lartë perëndimor.

Në vitin 1990 kur Shqipëria ende ishte nën sundimin e hekurt të komunizmit, kurse Kosova e pushtuar nga Serbia, Ibrahim Rugova do të deklarojë: "Sa i përket afrimit ndaj Shqipërisë ne atë e duam sa edhe afrimin me Evropën. Projekti evropian nuk e lejon ndryshimin e kufijve, porse hapjen e tyre; të mos ketë më mure të Berlinit, mure të vdekjes. Ne tash udhëtuam prej Frankfurtit në Strasbur: Aty nuk merrej vesh se ku mbaronte Gjermania dhe ku fillonte Franca, po të mos ishin udhërrëfyesit në të cilët shkruante 'Deutschland' apo 'Frankreich'.

Kam qenë në Nova Goricë ku italianët vinin për darkë, kurse sllovenët shkonin në Stara Goricë për të pirë kafenë e mëngjesit. Ja, kështu edhe unë do të dëshiroja të shkoja në Shqipëri për të pirë kafe"!, thotë Rugova në intervistën dhënë gazetës kroate "Nedeljna Dalmacija" të datës 22.07.1990.
Rugova: Për një kafe në Shqipëri! U3_autostradaaa

Rugova: Për një kafe në Shqipëri! U3_autostradaaa

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30