Neki Lulaj:IKJE NËNTORI

nga **Agim Gashi** Thu Nov 17, 2011 12:41 am

Neki Lulaj:IKJE NËNTORI
(Mikut tim të pavdekshëm, Xhevdet Abazit)

Shurdhitë rrafshojnë terrin
Kur dhembeja
Godet miqësinë
Loti shpërthen nën qepalla
Buron si krua bjeshke
Floçka
E ndjenja e mund arësyen.

Ikja jote na goditi
Si një bubullimë
Oqean pikëllimi
Sarkazmë
Nëntor i pa mëshirë.

Dielli t’i perëndoi sytë
Mu sonte
Në natën kryeneçe
Të gjumit të parë
Më erdhe në ëndërr
E bashkë
Me nxënës shëtisnim
Nën Pishat Deçanit në Deçan
Me ty o Skofiar…

Në kalendarin e torturave
Fshihet pengu i përjetimeve
Të bijve të shqipes
Që prehen në amshim
Së bashku me
Mësuesin e Vushtrrisë!

Ecnim të gëzuar,
Në flututurimin
Pa pritë
Ti më ike pa lamtumirësi
Në qiellin e kaltër fluturove
Si një skyfter mali
U ngrite me retë e bardha
Në gjithësi.

E sonte shushurinin gjethet
E vjeshtës së vonë
Zogjtë pa gojë
Dikund thellë pushojnë
Mbi eshtrat e vet
Me sqepin nën sqetull
Bejnë gjum
Endërrojnë
Në parajsën e nënës sonë.

Det i tërbuar
Janë lajmet nga largësia
Tradhtojnë lotët
Lajmhidhuri
Shpërthen terrin, ajrin
Bjeshkët, tunelet
Lumenjtë, detrat,
Edhe muret e ndasisë
Më qullitën këtë mëngjes
Kur nga ana tjetër
E interfonit
Mësova se ti ke ikur
Tek engjujt, në parajsën
E përjetësisë.

Herët u dashurove në engjëj
Pa u ngopur me ndershmëri
Miku i djalërisë, rinisë
Dhe i pjekurisë…
Xhevdet Abazi-Lavdi
E lehtë dhe e ngrohtë
Të qoftë
Banesa e përjetësisë!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30