Beqaj takoi Erdoganin, mohon “përjashtimin” nga salla

nga **Agim Gashi** Thu Nov 17, 2011 9:14 pm

Beqaj takoi Erdoganin, mohon “përjashtimin” nga salla

Publikuar: 17.11.2011 -

Beqaj takoi Erdoganin, mohon “përjashtimin” nga salla 17-mohimi_1711111730_1

Prishtinë, 17 nëntor - Ministri i Zhvillimit Ekonomik, Besim Beqaj takoi sot në Stamboll kryeministrin e Turqisë Erdogan me të cilin bisedoi rreth gjendjes ekonomike në dy vendet dhe proceset e rëndësishme nëpër të cilat është duke kaluar Kosova.
Gjatë pjesëmarrjes në Forumin Ekonomik dhe Energjisë të Detit të Zi, Beqaj u takua me zëvendëskryeministrin e Turqisë të ngarkuar me ekonomi, Ali Babaxhan, ku janë diskutuar zhvillimet ekonomike dhe janë shqyrtuar mundësitë e bashkëpunimit bilateral në sferën e ekonomisë mes të dy shteteve. Beqaj i shpalosi bashkëbiseduesit projektet konkrete që janë duke u realizuar në fushën e energjisë, minierave, telekomunikacionit, infrastrukturës rrugore, turizmit dhe gjithashtu e njoftoi atë për potencialet për investime nga ana e ndërmarrjeve turke në Kosovë.
Babaxhan shprehu gatishmërinë e tij të plotë për të inkurajuar dhe përkrahur në mënyrë institucionale ndërmarrjet turke që të hulumtojnë mundësitë për investime në Kosovë.
Ministri Beqaj është takuar edhe me homologun e tij turk, Taner Yildiz, me të cilin ka diskutuar për projektet në fushën e energjisë, me ç’rast janë ftuar ndërmarrjet turke për të konkurruar fuqishëm në këto procese të rëndësishme.
Ministri kosovar ka kërkuar nga autoritetet turke që të përkrahin Kosovën në rrugën e anëtarësimit në BERZH, OBT dhe institucione e organizma tjerë ndërkombëtarë në fushën e ekonomisë.
Kreu i MZHE-së po ashtu ka propozuar që Turqia të analizojë mundësinë e ofrimit në mënyrë unilaterale të masave autonome tregtare ndaj Republikës së Kosovës, me qëllim të rritjes së vlerës së eksporteve drejt këtij vendi, thuhet në njoftimin për medie nga Ministria e Zhvillimit Ekonomik.
Nga Stambolli, Beqaj është prononcuar edhe lidhur me lajmin për “përjashtimin” e tij nga salla e Forumit Ekonomik për Energji i Euro-Azisë.
Ai ka thënë për Express se nuk ka pasur asnjë mospajtim mes tij dhe kryeministrit të Serbisë, Mirko Cvetkoviq. “Nuk është e vërtetë asgjë që është thënë në lidhje me prezencën time në këtë forum. Unë kam marrë pjesë në të gjitha takimet e forumit”, ka pohuar Beqaj.
Ai ka pranuar se kryeministri serb nuk ka hyrë në takimet ku ka qenë prezent edhe Beqaj, por ka shtuar se askush nuk i ka kërkuar atij të largohet nga salla. “Askush nuk ka kërkuar nga unë që ta lëshoj sallën, siç është transmetuar”, ka thënë Beqaj.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30