Katër ish-ministra nën hetime për korrupsion...!

Sipas raportit të Prokurorisë së Shtetit, prokuroritë komunale dhe prokurorit e qarkut, gjatë periudhës janar – shtator 2011, kanë pasur 662 kallëzime penale me 994 persona të dyshuar. Gjithnjë sipas raporti gjatë kësaj periudhe, prokuroritë komunale dhe ato të qarkut kanë zgjidhur 341 ose 51,5% të kallëzime penale me 493 persona , kurse në fund të periudhës raportuese kanë mbetur të pazgjidhura 321 ose 48,5% të kallëzimeve penale me 501 persona. Gjithnjë sipas të dhënave të publikuara, hetimet e prokurorisë në 30% të rasteve kanë rezultuar me hedhjen poshtë të kallëzimit penal. Hetimet për 134 persona të dyshuar kanë pushuar në 62 raste ose 18,2% me 90 persona, është ngrit propozim-akuza në 54 raste ose 15,8% me 112 persona, është ngritur aktakuza, ndërsa për 6,2% të rasteve ose për 37 persona është pushuar procedura. Koordinatorja e korrupsionit Drita Hajdari i ka quajtur sukses në luftën kundër korrupsionit këto të dhëna. “Këto shënime paraqesin fillimin e suksesit në procedimin e lëndëve të korrupsionit dhe janë dëshmi për gatishmërinë dhe vendosmërinë e prokurorëve për luftimin e korrupsionit. “Po ashtu këto shënime janë indikatorë për përmirësimin e kuantitetit dhe kualitetit të punës së prokurorëve gjatë periudhës nëntëmujore”, ka thënë Hajdari.
Prokurorja e cila njëherësh është edhe prokurore kundër korrupsionit në Prokurorinë e Qarkut,nuk ka dashur të japë edhe shumë informata për hetimet që kjo prokurori është duke i zhvilluar për 5 ish - ministra të Qeverisë së Kosovës. “Ne e kemi informuar publikun për pushimin e një hetimi për një ish-ministër, ndërsa të tjerat janë në procedim”, ka thënë Hajdari. Ajo nuk ka mundur të japë një datë se kur do të përfundojnë hetimet për katër ministrat e tjerë