NATO: Përdorimi i dhunës nga elemente kriminale i papranueshëm

nga **Agim Gashi** Tue Nov 29, 2011 7:57 pm

NATO: Përdorimi i dhunës nga elemente kriminale i papranueshëm

(I plotësuar) - Komandanti i Komandës së Forcave të Përbashkëta në Napoli, Samuel Loklir, e ka quajtur të papranueshëm përdorimin e dhunës ndaj trupave të KFOR-it, ndërkohë që u ka bërë thirrje të gjitha palëve të përmbahen dhe të bashkëpunojnë me akterët ndërkombëtarë në terren, për të siguruar liri të lëvizjes pa vonesë.

“Misioni i KFOR-it është të kontribuojë në mirëmbajtjen e një ambienti të qetë dhe të sigurt, lirisë së lëvizjes dhe sigurisë në Kosovë, nën Rezolutën e Këshillit të OKB-së, 1244”, ka rikujtuar Loklir, gjatë konferencës për media në Aeroportin e Prishtinës.

Duke iu referuar dhunës së 28 nëntorit në Jagnjennicë, ai ka thënë se “njerëzit që u shkaktojnë dëm ushtarëve të KFOR-it, nuk janë demonstrues paqësorë e as që punojnë për të ofruar zgjidhje të mira”.

“Gjatë operacionit, armë të vogla zjarri dhe mjete shpërthyese të improvizuara janë përdorur kundër ushtarëve të KFOR-it nga elemente kriminale, të cilat kanë luajtur rolin e demonstruesve legjitimë. Si rezultat i kësaj, ushtarët janë lënduar”, ka thënë Loklir.

Ky i fundit po ashtu ka theksuar se KFOR-i “rezervon të drejtën për ta mbrojtur vetveten kundër të gjitha veprimeve agresive”.

Ai ka inkurajuar të gjithë liderët dhe komunitetet në Kosovë “që të vazhdojnë të promovojnë stabilitet dhe dialog” pasi që, siç ka thënë, askush nuk përfiton nga një rikthim i tensioneve nga e kaluara”.

Ushtari i KFOR-it i sulmuar nga terroristët serbë në komë

Një nga ushtarët e KFOR-it austriak i plagosur rëndë nga sulmi i djeshëm nga protestuesit e dhunshëm serb është në gjendje kome.
Gjendja e tij shëndetësore është e përkeqësuar, njoftoi Ministria e Mbrojtjes e Austrisë. Sipas këtij njoftimi, në incidentin e djeshëm nga sulmet e serbëve, ku u përdorën edhe armë zjarri janë plagosur mbi 10 ushtarë të KFOR-it, të kontigjentit austriak, transmeton INA.
Ministria e Jashtme e Austrisë ka shprehur keqardhje për incidentin dhe sulmin ndaj trupave paqëruajtëse të KFOR-it dhe ka apeluar për zgjidhje të shpejt për të parandaluar eskalimin e situatës në veriun e Kosovës.

>> Dhjetëra ushtarë të plagosur nga terroristët serbë >> Komente (42)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30