ADEM ZAPLLUZHA DY POEZI

nga **Agim Gashi** Wed Nov 30, 2011 12:06 am

ADEM ZAPLLUZHA DY POEZI

E TJETRA

Në të gjitha gazetat
Një ngjarje e pazakontë
Kërmilli i përjargur
Mbulonte faqet e para

Një grua shtatzënë
Për t’i ikur përditshmërisë
Bëri vetëvrasje
Prej katit përdhes
Kërceu në katin e katërt

Fati i qeshi foshnjës
Nuk i pëlqente lartësia
Mbeti në tokë
Duke iu zgërdhirë jetës
Ata që e përjetuan

Këtë imazh të pazakontë
Nuk patën fjalë
Siç thotë populli
Çile gur gojën
Një në tokë të bekuar

Do të hyjë në histori
E tjetra
Kush e di se ku do të bredhë
Duke kërkuar një kërthi

KONTRATA

Po që se sot
Nuk them asgjë
Mos mendoni se kam heshtur
Zëri im i ngrirë
Ka pak punë të mërzitshme
Me vetveten

Nëse them se
Sot s’do të ketë shi
Retë vijnë sa ora
Mbi kokat tuaja tullace

Do të bënit mirë
Sikur t’i kruani flokët
Njësoj si kokën
Pa i kashaisur kuajt
Nuk u shkëlqen qimja e kuqërremtë

Para nesh përvidhen hijet
Si mashtrimi
Ju mos mendoni se nata
Nuk ka dëshmitarë

Do të kuptoni nga lajmet
Se sot na vijnë disa persona
Të rëndësishëm
Të bëjnë tregëti me hedhurinat

Kontratë e çuditshme
U nënshkrua
Në mes të dy palëve

2.
Nesër është
momenti i përshtatshëm
Për shitjen e ajrit të ndotu
Mysafirë sa të duash
E kamerieri fërkon duart e vogla
Dhe llogarit
fitimin e pazarit
Akoma pa ardhur blerësit
Nën këmbët e drunjta të tavolinës
Ditës ja veshën
Këmishën e të çmendurve [/size]

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30