Rreth 1.500 persona në listën e votuesve mbi 100 vjeç

nga **Agim Gashi** Fri Dec 02, 2011 8:17 pm

Rreth 1.500 persona në listën e votuesve mbi 100 vjeç

Pastrimi i listës së votuesve nga emrat e qytetarëve të vdekur, si dhe ricaktimi i votuesve në qendrat më të afërta të votimit është caktuar fokus i punës së dy grupeve punuese asaj të KQZ-së dhe Ministrisë së Punëve të Brendshme.

Këto dy institucione së fundmi janë angazhuar që ta bëjnë pastrimin e listës së votuesve në të cilën aktualisht janë të regjistruar si qytetarë me të drejtë vote 1 milion e 630 mijë e 636 persona. Prej këtij numri të votuesve të regjistruar, rreth 1.500 qytetarë figurojnë se i kanë mbi 100 vjet e që ende janë gjallë, ka treguar kryetari i grupit punues të KQZ-së, Florian Dushi.

"Në bazë të informatave që i posedon KQZ-ja, në regjistër civil prej të cilit përpilohet lista votuese janë afro 1.500 qytetarë që i kanë mbi 100 vjet dhe kjo nuk është e mundur. Për këtë përgjegjësia bie mbi zyrat e gjendjes civile nëpër komuna", ka thënë Dushi.

Ai ka bërë me dije se KQZ-ja ka shqyrtuar dhe aprovuar strategjinë për përmirësimin e listës së votuesve në të cilën parashihen që të ndërmerren shumë aktivitete të përbashkëta me MPB-në dhe komunat.

"Duke pasur parasysh faktin se lista e votuesve krijohet nga regjistri civil të cilën e harton MPB-ja janë krijuar dy grupe punuese që kanë për synim heqjen e qytetarëve të vdekur nga lista, si dhe ricaktimin e votuesve në qendrat më të afërta për ta", është shprehur Dushi.

Sipas tij, kjo është edhe një arsye tjetër që lista e votuesve ka dalë të jetë e fryrë gjatë zgjedhjeve të fundit.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30