Jorgo Telo:LOTËT E MIQËSISË (Përshkrim)

nga **Agim Gashi** Mon Dec 05, 2011 1:25 pm

Jorgo Telo:LOTËT E MIQËSISË (Përshkrim)

Lotët njerëzorë i kanë kanë degëzimet në basenet e shpirtit. U mjafton shkaku apo dukuria nxitëse më e imtë që të tronditen atje ku dremisin e mandej të rreken të dalin përjashta në trajtë piklash të njemëlta, në trajtën e një vrage tatëpjetë faqes, pse jo edhe duke u ndalur përkohësisht në pezulin e qepallave e “gardhin” e qerpikëve...
Po kur lotët kanë ngarkesë ndjesish mëmëdhetarie ato shprehin pa fjalë vërtetësinë e dhimbjes e mallit për Tohkën “AMË”...
Paraditen e 30 nëntorit një telefonatë që pritej më dha lajmin e nisjes nga Kosova drejt Tiranës e më pas drejt Gjirokastrës të mikut tim internetik me banim në Malmoe të Suedisë, zotit Remzi Basha.
Ishte në rrugëtim tok me tre miq të tjerë e të afërm të tij.
Dërgova bashkëshorten dhe i priti diku afër banesës sonë.
Nuk kishte dije miku im, sa orë do hante rroga nga Tirana në Gjirokastër. Gjer në Tiranë iu duk fare afër falë favoreve të “RRUGËS SË KOMBIT”. Me sa kuptova kishte mbetur i zhgënjyer nga rruga drejt jugut...
Vetekuptohej ishte e dukshme edhe lodhja fizike pas një rruge te gjatë...
E grisha të vinte edhe me bashkëudhëtarët brenda. Ai kishte merak se mos më bezdiste. Më propozoi qysh në fillesë, të shkonim në ndonjë lokal, por reagimi im: “Kur kemi shtëpinë, ç’na duhet lokali?!” e detyroi të ndërronte mendje. Ata mundej të vinin pas meje. Kurse unë e kam vështirë të vete pas të tjerëve. Atëherë do t’i bezdisja unë ata. Pas qerasjes u kujtua të fiksonim disa kujtime të përbashëkta e, si mori librin në dorë e shtrëngoi fort dhe e puthi.
U përdorën të dy aparatët digitalë.
Na shkoi për bukur kuvendi. E nxori shpejt “kokën” arsyeja, pse rrinin si “mbi gjëmba”.
Ata e kishin vendosur të riktheheshin në Tiranë brenda ditës.
Realisht jashtë po binte muzgu. Lodhjen po e shihja te syt e mikut po aq të theksuar sa dhe dashurinë pë mikun e për tokën Amë... Ishte tejet i emocionuar miku – mysafir.
Mua nuk më erdhi mirë, të iknin aq shpejt, se ende kishim për të thënë. Dhe ndoshta ende na duhej të mësonim më tepër për njëri – tjetrin. E uruam edhe gojarisht për çmimin që ka fituar në Suedi si “Poet i vitit”. Emocionohej pas çdo urimi e falënderimi miku im. Entuziazmohej pas çdo shkrepje aparati. U ul e puthi dyshemenë, në vazhdë të porosive që më jepte shpesh në bisedimet internetike: “Puthma Tokën Amë, Jorgo!”
Unë ia ktheja: “Po e e puth poetikisht dhe po e perqafoj me krahët e poezisë, i dashur Remzi! Ta kam mbaruar porosinë.”
E Pamë me sytë tanë, se si ashtu i përlotur puthi realisht tokën Amë. E duke më puthur përmallshëm e pa i fshirë faqet e njomura nga vraga e lotit, doli nga dhoma ime e u largua tok me të tjerët. Gruaja i përcolli deri te makina jashtë pallatit.
Kur u kthye gruaja më tha e habitur:
- Ti më kishe folur shumë për të, por nuk ma merrte mendja , se do prekej kaq shumë kur të takoi e sidomos kur i dhe gjithë librat e tua. Edhe duke ecur nëpër koridor edhe kur më dha dorën te makina ai qante si një fëmijë. Kaq mall të madh paska për këtë vend?
- Nuk i jep shtysë vetëm malli dhe dashuria për Shqipërinë, moj grua. Ai është krijues e mëmëdhetar i flakës. Të kam thënë që ka ndihmuar shumë UÇK-në në Fitorën e Pavarësisë së Kosovës dhe jo vetëm me fjalë... Por duhet të dimë se lotët e tij janë lot miqësie... Dhe janë lotët e miqësisë së të vërtetë jashtë çdo interesi meskin, siç e kemi diskutuar edhe tjetër herë... Janë në fund të fundi lot artisti. Krijuesit e kanë të shkallës së lartë ndjeshmërinë dhe, kur përloten, shfrejnë veçse gulçet e pastra të shpirtit të tyre...
E kish shfaqur qysh herët në komunikimet e para dëshirën të më njihte nga afër mua “vëllanë” e truallit Amë. Më pas kjo dëshirë iu shtua me daljen nga shtypi të librit tim “TUNG, SHPRESARTA KOSOVË!”, për të cilin miku im kish dërguar me e-mail parathënien, pasi unë ia kisha nisur me kohë krejt librin, pothuajse të përfunduar.
Sa na befasoi e gezoi ardhja e miqve kosovare, aq na befasoi e pezmatoi largimi pa u çlodhur ende mirë nga
rrugetimi i gjatë.
Në orët e natës kam qenë i kapluar nga meraku për ta, deri sa e mora ne telefon e më qetesoi, duke folur nga Tirana.
Të nesërmen me përshëndeti nga Prishtina.
Dhe sot kuvenduam përmes facebookut Gjirokastër – Malmoe.
Sigurisht tashmë i përfytyrova të terur “lotët e miqësisë”...

Gjirokastër, 03.12.2011

Jorgo Telo:LOTËT E MIQËSISË (Përshkrim) 380966_2473968461830_1630998071_2282828_157743950_n

Jorgo Telo:LOTËT E MIQËSISË (Përshkrim) 380966_2473968461830_1630998071_2282828_157743950_n

Flamuri kombëtar bekon miqesitë e forta.

Jorgo Telo:LOTËT E MIQËSISË (Përshkrim) 374689_2474024383228_1630998071_2282831_110925774_n

MIDIS MYSAFIREVE

Jorgo Telo:LOTËT E MIQËSISË (Përshkrim) 386491_2474043823714_1630998071_2282832_1740040288_n

Jorgo Telo:LOTËT E MIQËSISË (Përshkrim) 374882_2474059224099_1630998071_2282833_1425312826_n

I GEZOHEMI LIBRIT "TUNG, SHPRASARTA KOSOVE!"

Jorgo Telo:LOTËT E MIQËSISË (Përshkrim) 392868_2474092424929_1630998071_2282839_428060954_n

Jorgo Telo:LOTËT E MIQËSISË (Përshkrim) 381653_2474110585383_1630998071_2282842_330622477_n

DHE... NDARJA

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30