Ragip Dragusha:DRANDOFILJA

nga **Agim Gashi** Sat Dec 10, 2011 2:06 am

Ragip Dragusha:DRANDOFILJA

E kuqe si gjaku, e mue më ke ndezë,
Përse gjembat tu nuk m'lanë me t'përkdhelë?
Sa herë, drandofile, kur due me t'prekë,
me bukurinë tande gishtat m’i therë.

Porsi ti, shumë lule n'fushë kam gjetë,
secila prej tyne donte me m'diftue:
"Kujdes prej drandofiles, se shumë janë djegë,
prandaj mos iu ofro, se ke me u pendue".

Për ty shoqet tuja shumë më kanë tregue,
secila prej tyre ma dha një këshillë:
"Ti djal drandofiles, mos me iu afrue,
Ma e rrezikshme bahet, ajo kur ka çilë".

Për dore Dafina më shoqnoj një herë:
"Dy fjalë në vesh po due me t’i thanë -
Shiko sa lule kanë çelë në pranverë,
Përmbi lule të tjera vetëm unë jam".

Nga larg dëgjova që foli lulebora
"Unë çel lule në dimën dhe në verë,
Sa here qe me zgjedhin un iki nga dora
prandaj e vetme do rri e vetme përherë.

Luleshtrydhja foli me za te mekun:
"Ç'më batë, moj motra, që folët për mue,
pa çelë ende mirë, më batë të vdekun,
ç'do lule nga ngjyra e vet u dashunue".

Hipë përmbi mure po flet lulevila:
"Ndaluni, moj motra, mos u shqetësoni!
Vërtetë ma t'bukur s'ka se drandofilja,
fjalët i merr era, thoni ç'farë të doni.

Tek vështroja i qetë parkun luleshumë,
ma t’ kandëshmet ngjyra më kanë përcjellë
por zemra nuk pyeste pse gjakosja duert,
kur në gji drandofilen e vuna përherë.

R.Dragusha.
Wien. Dhjetore
2011

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30