Kacin: Ora në Serbi nuk është kurdisur me orën evropiane

nga **Agim Gashi** Sun Dec 11, 2011 11:04 pm

Kacin: Ora në Serbi nuk është kurdisur me orën evropiane
NEWS

“Serbia gjithmonë e bënë gabimin e njëjtë. Niset në minutën e fundit, një minutë deri në 12, e bënë një hap minimal e të njëjtën kohë alarmon se sa fatale do jenë pasojat për rajonin nëse nuk merr përgjigje në pritjet e saj. Por, këtu është një problem sistematik: ora në Serbi nuk është kurdisur me orën evropiane, që do të thotë se kurdo që niset në minutën e fundit, ajo vonohet”, ka thënë Jelko Kacin, raportuesi i Parlamentit Evropian për Serbinë. Kacin ka thënë se normalizimi i marrëdhënieve me Kosovën, paraqet parakusht të domosdoshëm për përparim më të shpejtë të Serbisë kah Bashkimi Evropian,

sepse pa arritjen e stabilitetit të plotë rajonal dhe të bashkëpunimit, asnjë shtet i Ballkanit Perëndimor, nuk mund të ketë qasje në BE. Ai ka theksuar se askush nga politikanët e BE-së asnjëherë nuk ka kërkuar nga Serbia që ta njohë pavarësinë e Kosovës.“Mendoj se Serbia, në vend se ta pranoj pavarësinë e Kosovës, më parë duhet ta pranoj se serbët në Kosovë janë pjesë e zgjidhjes: se ata në jug kanë dalë në zgjedhjet e atjeshme, se i kanë 14 deputetë në Kuvendin e Kosovës, dhe se i kanë tre ministra në qeverinë e Hashim Thaçit”, tha Jelko Kacin për gazetën novosadase, Dnevnik.Ai po ashtu ka përkujtuar se në veri të Kosovës qëndrojnë barrikadat dhe demonstruesit i sulmojnë forcat ndërkombëtare, në mesin e të cilave janë edhe ushtarët e vendeve anëtare të Bashkimit Evropian.

Mon	Tue	Wed	Thu	Fri	Sat	Sun
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31