Maqedonasit po marrin shtetësinë bullgare

nga **Agim Gashi** Fri Dec 23, 2011 10:32 pm

Maqedonasit po marrin shtetësinë bullgare

Shtetësia bullgare fitohet më së shumti për një vit, për çka janë të nevojshme vetëm disa dokumente, në të cilat kandidati deklarohet se është me origjinë bullgare, shkruan sot e përditshmja maqedonase “Utrinski vesnik” duke hulumtuar sindromin e shtetësisë bullgare në Maqedoni nga ana e maqedonasve.

Maqedonasit janë rekorderë në “gjahun” pas pasaportës bullgare. Shtetësinë e fitojnë më pak se një vit. Kjo gjë i bën që ata të dallojnë nga shtetasit e vendeve tjera, të cilat, gjithashtu, aplikojnë për shtetësi bullgare. Kushte rigoroze nuk ka.

Vetëm disa dokumente, nga të cilat më shumë janë deklarata për vetëdije nacionale bullgare – personale dhe e prindërve nga nëna, dhe deri tek stërgjyshi. Nuk kërkohen as fakte konkrete për prejardhjen autentike bullgare, siç është rasti me shtetësitë tjera.

“Unë, i poshtë-nënshkruari M.K., deklaroj se kam vetëdije kombëtare dhe jam me prejardhje bullgare për shkak se prindërit e mi…”. Kështu thotë njëra nga deklaratat e cila i hap dyert për marrjen e shtetësisë bullgare të cilën aktualisht në Maqedoni e posedojnë 42.372 qytetarë.

Disa e marrin për shkak të studimeve, por shumica, siç thonë, për të gjetur punë në Evropë, për shkak se shanset të cilat i kanë me pasaportën bullgare janë të shumta.

Për dallim nga më herët, kur ndërmjetësit aplikonin në emër tjetër, tani kandidatët barten në mënyrë të organizuar, me autobusë dhe furgonë. Aplikuesit kryesorë janë banorët e Maqedonisë lindore.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30