Vlorë: Vidhet zyra e arkëtimeve në DSHTRR

nga **Agim Gashi** Fri Dec 23, 2011 10:35 pm

Vlorë: Vidhet zyra e arkëtimeve në DSHTRR

Mesditën e sotme, rreth orës 13.30, dy persona të armatosur me pistoleta, e të kamufluar me kasketa motori, i janë drejtuar zyrës së arkëtimeve, pranë Drejtorisë së Shërbimit dhe Transportit Rrugor (DSHTRR) në Vlorë, e cila ndodhet në lagjen 11 janari në periferi të qytetit.

Nën kërcënimin e armës ata kanë mundur të marrin prej andej një sasi të konsiderueshme parash, më konkretisht të gjitha arkëtimet, vlera e të cilave mendohet të jetë rreth 20 milion lek të vjetër, gjithsesi drejtues së këtij institucioni konfirmojnë se do të bëhet bilanci i faturave për të përcaktuar saktësisht vlerën e parave të vjedhura.

Sipas dëshmitarëve okular në vendngjarje, dy personat e armatosur kanë ardhur pranë institucionit me motor, e fillimisht kanë qëlluar me armë, në drejtim të rojës, por fatmirësisht ai nuk është prekur nga plumbat. Pasi kanë qëlluar rreth tre herë jashtë zyrës, ato janë futur në ambientet e brendshme ku ndodheshin katër punonjësit e shërbimit dhe arkës dhe nën kërcënimin e armës kanë marrë paratë, duke qëlluar sërish në momentin e daljes.

Më tej janë larguar me motor, por ende nuk janë ndaluar nga policia, e cila ka mbërritur në vendngjarje.

Aktualisht efektivët e policisë së Vlorës po kryejnë ekspertimet përkatëse, duke marrë dëshmitë e punonjësve të institucionit, si dhe të dhënat e tjera, përfshi edhe gëzhojat e dala nga të shtënat. Nga grupi hetimor, saktësohet se kanë nisur hetimet për zbardhjen e kësaj ngjarje.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30