Makolli: Do të hapim qendra kulturore në diasporë

nga **Agim Gashi** Sun Dec 25, 2011 6:50 pm

Makolli: Do të hapim qendra kulturore në diasporë

Ministri i Diasporës, Ibrahim Makolli ka thënë se hapja e Qendrave Kulturore të Kosovës në diasporë mbetet prioritet i kësaj Ministrie për vitin 2012. Ai këto komente i ka bërë në konferencën e fundvitit për media, ku prezantoi punën dhe të arriturat e kësaj ministrie gjatë këtij viti.

Ministri i Diasporës, Ibrahim Makolli, tha se mësimi plotësues në gjuhën amtare në diasporë mbetet prioritetet kryesore i Ministrisë së Diasporës dhe për vitin e ardhshëm, duke e konsideruar si element kryesor të ruajtjes së identitetit.

“Në bashkëveprim edhe me Ministrinë e Arsimit, po ndërmarrim veprime përmes së cilave do të merret nën përkujdesje nga ana e shtetit mësimi plotësues në diasporë”, tha Makolli.

Ministri Makolli, theksoi se ndër prioritetet kryesore të kësaj Ministrie është edhe hapja e Qendrave Kulturore të Kosovës në diasporë.

“Tash jemi në fazën përfundimtare të marrëveshjes me Turqinë për të hapur qendrën kulturore të Kosovës në Turqi. Ndërkaq, për vitin 2012, po ashtu, parashihet edhe hapja, ose fillimi i procedurave për hapjen e dy qendrave të tjera kulturore që i bien tre gjithsej në këtë fazë të parë”.

Në konferencën e fundit për këtë vit për gazetarë, Ministri Makolli, për më tepër, tha se orientimi i kapitalit ekonomik mbetet një prej prioriteteve kryesore të Ministrisë se Diasporës.

Mon	Tue	Wed	Thu	Fri	Sat	Sun
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31