Mentor Thaqi:N´MARTIRIZIM VEÇ MARTIR KA

nga **Agim Gashi** Mon Dec 26, 2011 1:21 am

Mentor Thaqi:N´MARTIRIZIM VEÇ MARTIR KA

(At Bernard Llupit dhe tre Dëshmorëve: Marie Shllaku, Kolë Parubi dhe Gjergj Martini, një nderim dhe përkujtim në këtë ditë të shenjtë)

Eh!
Shekulli i qyqarllëkut
të qyqarëve
në ikje
veç sa pat filluem
dhe zeher
zemrat bani,
sërish Shqiptarve
nga shitje
e shpirtnav t´kamufluem,
iu shkretnu Vatani,
vritej
e fikej
ajo fije drite,
AI Shpirtë Françeskani!

Të zi erdhen talianë,
të kuq tevona, proletarët,
zi e herë kuq
n´kto anë
shëmtuan Shqiptarët
me një gjak t´palamë!
Po po,
zi herë kuq,
kuq e herë zi,
por jo, jo Kuq e Zi
që lypej n´Shqipni!
Medet,
faren tonë të parë
po përziejn me shki
nga ai tru i tharë,
n´komplot,
n´pabesi,
po m´vrasin Shqipni
e Hyjni,
ah, po shih o Perëndi!

Ev ev,
NDSH-ja n´shënjestër
pse deshti Vatan,
nga prokuror t´egër
që s´njohin as veten,
po,
na ndje o Zot,
na ndje o Hyji jonë,
kjo që po ndodhë sot
po e mallkon jetën!

E keqja jonë
këtë herë,
mjer,
katërshe erdhi,
helm derdhi,
në katër anë
vret Klerin,
vret Nderin,
po me çka borxhli
u bëmë sot
o Ynë-Zot?!
Në Prizren,
si gjithmonë, dhëmb
o Hyu jem,
n´atë ndëshkim
katërshe:
At Bernard Llupi
baba grupi,
Maria e njomë n´mes
s´ishte shpresë
që vdes,
Profesor Kolë Marubi
dhe Mësuesi me orë
Gjergj Martin,
shpirtërat si plumb,
i therën, theror
të Kombit tim!
Sa n´Prizren
e sa n´Shkoder
log e trog nderin,
vrasin Besën,
besimin,
eleminojnë Klerin,
po po, n´Shkup e Shkoder
jo vallja jonë,
por, gjamë me loder
për Kombin tonë!
Herë otomani,
herë taliani
e shkja Jovani
a ndonjë shqiptar hajvani,
ah, mjer e mjer Vatani!
Po Shpirti i Kombit
me françeskanë aty
dhe Besimi i Zotit,
jo, kurr s´jan thy!
T´falem o Shqipni!

Mentor Thaqi VS., Dhjetor 2011

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30