Mungesë stafi në konsullatat e Kosovës

nga **Agim Gashi** Mon Dec 26, 2011 8:00 pm

Mungesë stafi në konsullatat e Kosovës

Rrëmuja e krijuar në Konsullatat e Kosovës në mungesë të stafit, e si pasoj pritjet me muaj të shtetasve për dokumente të ndryshme nuk po arrin të tejkalohet plotësisht. Ministria e Punëve të Brendshme, ia ka dal vetëm përkohësisht të zbusë këtë gjendje, për faktin se ishte e detyruar të tërheqë stafin e saj në mungesë të parave.

Ministria e Punëve të Jashtme nuk po arrin ende të mbush boshllëkun e mungesës së stafit nëpër konsullatat e Kosovës. Kjo ka bërë që shërbimi konsullor të ketë probleme të mëdha me vonesa në dhënien e dokumenteve për shtetasit kosovarë jashtë vendit.

Problemet më të mëdha mësohet të jenë në Konsullata në Austri, Zvicër, e sidomos në Gjermani.

Shefi i misionit në qarkun konsullor të Frankfurtit në Gjermani, Astrit Zemaj, i ka thënë Radio Kosovës se problemet kryesisht vijnë nga fluksi i madh i kërkesave për dokumente.

Nga ana tjetër Ilhami Gashi, sekretar permanent i Ministrisë së Punëve të Brendshme, ka thënë se stafi mbështetës që kishte dërguar në Konsullata kjo Ministri, ishte kontraktuar vetëm për një periudhë gjashtë mujore.

Ndërkaq, Zëvendësministri i Punëve të Jashtme, Petrit Selimi, jep një shpjegim tjetër.

“Ministria e Punëve të Brendshme ka tërhequr stafin saj për shkak se i ishte nevojitur për punët e saj në Prishtinë. Do të ketë probleme edhe më tej për shkak të fluksit të kërkesave për dokumente. Ne po përpiqemi të gjejmë një zgjidhje në mbështetje të konsullatave“, ka thënë Selimi.

Kosova aktualisht ka të akredituar trembëdhjetë misione konsullore që po ofrojnë shërbime për shtetasit kosovarë jashtë vendit.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30