Beqiri thotë se LDK-ja nuk heq dorë nga posti i kryeministrit

nga **Agim Gashi** Fri Dec 30, 2011 12:27 am

Beqiri thotë se LDK-ja nuk heq dorë nga posti i kryeministrit

Grupi Parlamentar i Lidhjes Demokratike të Kosovës (LDK) ka qenë më i zëshmi dhe me alternativa të shuma në Kuvendin e Kosovës për qeverisjen e vendit, tha shefi i këtij grupi, Ismet Beqiri.

Ai gjithashtu ka thënë se për shkak të numrave që ka koalicioni qeverisës asnjëherë nuk kanë mundur t’i ndryshojnë gjërat që kanë dëmtuar qytetarin e vendit.

Beqiri në një konferencë për media ka thënë se deputetët e këtij subjekti kanë qenë më të angazhuarit në kuvend dhe se kontributi i tyre ka qenë shumë i madh. Ai në këtë rast ka kritikuar qeverinë se është përzier në punët e kuvendit për të mbuluar dështimet që ka pasur. Beqiri ndryshe tha se LDK në krahasim me partitë tjera ka ofruar alternativa të shumta ndaj atyre që ka pasur qeveria. Ai në këtë rast ka përmendur veriun e vendit, bisedimet me Serbinë dhe buxhetin për vitin e ardhshëm.

Shefi i Grupit parlamentar të Lidhjes Demokratike të Kosovës (LDK), Ismet Beqiri gjithashtu i është përgjigjur edhe nënkryetarit të AAK-së Blerim Shala i cili ka deklaruar se do të hyjnë në koalicion me LDK duke ia ofruar postin e presidentit, ndërsa për vete ta mbajnë atë të kryeministrit.

Beqiri në këtë rast ka thënë se askush nuk mundet që LDK-së t’ia ndajë pozitat, ndërkohë sipas tij nuk do të heqin dorë asnjëherë nga posti i kryeministrit.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30