Musa Jupolli:Kosovë p(R)ozë e gjatë...

nga **Agim Gashi** Mon Jan 02, 2012 11:58 pm

Musa Jupolli :Kosovë p(R)ozë e gjatë...

Hej Kosovë je aq e fortë e pathyeshme
Për Ty shkruan vargjet më të zjarrta
djamtë, nipat e Tu që prekën me gjak cepin
e buzëve të tua gjihëherë të kuqe
Zemra flakë e pjellës sate
barutin e armiqëve e thithën që
bukurinë mos ta prekë.
Në duart e tyre të njoma
ra i tërë prushi e në trup ty Kosovë
nuk e lanë që të djeg.
Vashat tua Kosovë, Arbëria gjithëherë
të zgjuara i gjeti. E ato filluan
t'i këndojnë, se thellë menduan
mos po e lëndojnë të bukurën e dheut.
Trimi në shkëmb guri ngriti plisin
që i kishte rënë në ballë
në tepe të kresë dhe filloi këngën
Për Ty jam gati të vdes ATDHE
Hej Kosovë Tungjatjeta
Tungjatjeta sofra e bujarisë
Bukën kripën për BESËN tënde
Kosovë kurrë nuk i kurseve
Kosovë nëna jonë sa bukur
të rrinë shqiponja në ballë
Hej Kosovë, gjithë ajo forunë që të përfshiu
asnjëherë gjakun s'e prishe.
Trimëria dhe mençuria jote dhanë shembuj
Kosovë shkëmb graniti, fjalë burri urtësi
Fjalë e parë, fjalë mbramë e poetit
Kosovë p(R)ozë e gjatë
Kosovë kështjellë e përflakur
Edhe fëmija në lindje
tytën e pushkës të nxehtë e gjeti.
Në djep e mbi djep krisma e saj
lëshon jehonë, kumbimin e thellë
të mbrojtjes së Atdheut
Djalë pas djali në flakë lindi
Kurrë i kallur konaku i lindjeve
Konaku i rritjeve,
shtohej gëzimi nëpër flakë
kullë e ndezur
e flakur
kurrë e kallur
Lindi një shqiptar nëpër flakë
sofra u shtrua, sofra e bardhë emrin ia
vunë ATDHETAR
Syri yt Kosovë liqe ujë loti
Trupi yt Kosovë rubin moti
Duart tua Kosovë farë drthi hedhin
Kosovë moj hujneshë
Ke mençurinë ke qëndresën
KOSOVË P(R)OZË E GJATË E NJERIUT

Paris, 1988
Botoi: ALTERNATIVA, NËNTOR 1989, nr. 6

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30