Istogu në gjendje të jashtëzakonshme

nga **Agim Gashi** Sat Jan 07, 2012 7:35 pm

Istogu në gjendje të jashtëzakonshme

(I plotësuar)-Moti i lig i shoqëruar me erë të fuqishme që ka përfshirë komunën e Istogut, ka shkaktuar dëme të mëdha materiale. Istogu dhe shumë fshatra kanë mbet pa energji elektrike, si pasojë e prishjes së rrjetit elektrik nga era.

Për dëmet e mëdha materiale, ka njoftuar edhe kryetari i komunës së Istogut i cili njëherësh është edhe kryetar i Shtabit Emergjent, Haki Rugova.

Sipas Rugovës, në Istog era ka rrëzuar kulmin e stacionit policor, kulmin e Pallatit të Kulturës, kulme të disa shtëpive dhe ka shkatërruar tej mase edhe kulmet e banesave shoqërore dhe kulme të shtëpive brenda qytetit dhe jashtë tij.

Istogu në gjendje të jashtëzakonshme Era-ne-istog

Istogu në gjendje të jashtëzakonshme Era-ne-istog

“Nga mëngjesi është mobilizuar Shtabi Emergjent dhe kemi shpallur gjendje të jashtëzakonshme”, thotë i pari i Istogut. Ai shton se për vlerësimin e dëmeve kanë dalë në terren disa komisione, të cilat duhet të bëjnë identifikimin e dëmeve. “Paraprakisht vlerësojmë se dëmet e shkaktuara nga era janë shumë të mëdha, ndaj kërkojmë ndihmën e Qeverisë së vendit dhe të organizatave ndërkombëtare”, thekson ai.

Rugova ka thënë se për të pastruar bllokadat në rrugë ka kërkuar edhe ndihmën e Forcës së Sigurisë së Kosovës (FSK), ndërsa për evitimin e prishjeve në shtylla elektrike është kërkuar ndihma e KEK-ut, e cila është në aksion.

“Gjendja është e jashtëzakonshme, por fatmirësisht përpos dëmeve të mëdha materiale nuk ka pasoja në njerëz”, citohet të ketë thënë Rugova.

Erë e fuqishme në Istog

Era e fuqishme që ka fryrë dje dhe mbrëmë gjatë tërë natës, ka shkaktuar dëme të mëdha në komunën Istogut. Ajo ka dëmtuar kulme të shtëpive, ndërsa pothuaj në tërësi e ka rrëzuar kulmin në shkollën fillore “Hysni Zajmi” në Vrellë.

Era gjithashtu ka shkulur me rrënjë lisa e ka nxjerrë edhe shtylla elektrike. Si pasojë e kësaj shumë pjesë të komunës kanë mbetur pa rrymë shumë elektrike.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30