Hyqmet Hasko:KËPUTA DEGËZËN E MALLIT

nga **Agim Gashi** Mon Jan 09, 2012 9:08 pm

Hyqmet Hasko

KËPUTA DEGËZËN E MALLIT

Pushoj shiu përmbi pllakat e trotuarit,
miliona lotë u binin qerpikëve të mimozës.
Zgjata dorën dhe këputa degëzën e mallit,
ca pika lot me ranë ne sy nga harrimi i kohës.

Dhe qeshën disa vajza diku prapa meje,
dikush bëri shaka me romuz më qëlloi,
po mua gjaku më lëvizi nëpër deje,
se ajo që më foli me veten më ngjasoi.

Dhe mu kujtua një mall i hershëm,
ajo vajzë me një miken time ngjasonte,
dhe dy pika loti nga sytë mu derdhën,
se një faj i rëndë në shpirt më rëndonte.

Ajo ishte vajza ime, nënën e se cilës gënjeva,
i premtova se asgjë në bot s'do na ndante,
por unë ika e lashë dhe qafën e theva.
me një tjetër që me tha se do më mbretëronte.

Iu afrova dhe për emrin e nënës e pyeta,
ajo po me shihte shumë e hutuar,
Mimoza, më tha, babait emrin kurrë nuk ia dita,
jetojmë bashkë me nënën por jo të vetmuar.

Nga xhepi nxora letër dhe shkrova emrin tim
ia dhashë dhe po e shihja me kërshëri vëngër,
shpirti i saj u trazua, sytë i morën hutim,
nga goja e saj dëgjova: “ babanë e kam ëndërr”

Degëza e mimozës në dorën e saj mbeti,
lejtmotiv i një ëndrre për bashkim,
se koha mallin e një dashurie dot s’e treti,
pastaj ajo i tha nënës, ky është babai im !...

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30