Anarkistët pushtojnë radion greke

nga **Agim Gashi** Tue Jan 10, 2012 5:04 pm

Anarkistët pushtojnë radion greke

Grupi EA bën thirrje për "luftë të armatosur dhe për revolucion

Rreth 20 të rinj hynë me forcë sot në mëngjes në selinë e një radioje të Athinës, e cila filloi transmetimin e mesazheve të solidaritetit me grupin ekstremist Lufta revolucionare, tetë anëtarë të dyshuar të të cilit janë aktualisht nën akuzë. Lajmin e ka bërë të ditur një përfaqësues i personelit të radios.
"Të rinjtë nuk ushtruan aspak dhunë, ne pranuam kërkesën e tyre, u përpoqëm vetëm të bisedojmë për kohëzgjatjen e kësaj marrjeje nën kontroll", i deklaroi AFP-së gazetari, Argyris Kostakis. Drejtoria e radios, një nga dy stacionet më të mëdha private të informimit në Athinë, nuk njoftoi policinë”- shtoi ai. Në të njëjtën kohë, radioja vazhdon transmetimin e regjistrimit të dhënë nga të rinjtë, që përbëhet nga tekste mbështetjeje ose të vetë grupit Lufta Revolucionare, EA, që bëjnë thirrje veçanërisht për "luftë të armatosur dhe për revolucion", dhe i mohojnë "drejtësisë kapitaliste" të drejtën për të gjykuar grupin.
Grupi EA, i njohur veçanërisht për goditjen e bujshme me raketa ndaj ambasadës së Shteteve të Bashkuara në Athinë në vitin 2007, shfaq një retorikë të ekstremit të majtë dhe është klasifikuar në grupet terroriste nga Bashkimi Evropian dhe Shtetet e Bashkuara.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30