Prokuroria, afër zbulimit të vrasjes së Mustafës

nga **Agim Gashi** Thu Jan 12, 2012 9:03 pm

Prokuroria, afër zbulimit të vrasjes së Mustafës

Kryeprokurori i Qarkut të Prishtinës, Aleksander Lumezi

Në Prokurorinë e Qarkut në Prishtinë thonë se për vrasjen e Enver Malokut nuk është iniciuar ndonjëherë procedurë, pasi ajo ishte kryer gjatë luftës, por janë shumë afër zbulimit të identitetit të autorëve të vrasjes së Xhemail Mustafës, e cila u krye pas luftës.

"Hetimet kanë mbërritur deri në fazën e mbledhjes së provave dhe fakteve relevante, të cilat sigurisht do të procedohen për një kohë të shkurtër nga një prokuror special", ka thënë për TV Klan Kosova, Kryeprokurori i Qarkut të Prishtinës, Aleksander Lumezi.

Kryetari i LDK-së, Isa Mustafa dje u bëri thirrje organeve të drejtësisë që të gjejnë përgjegjësit për vrasjen e Enver Malokut dhe të zbardhjes së shumë vrasjeve të tjera.

"Mendoj se do të ishte shumë mirë që organet kompetente të Republikës së Kosovës, organet e hetuesisë, prokuroria dhe gjyqet, të merren me këto raste", tha Isa Mustafa me rastin e 13-vjetorit të vrasjes së Enver Malokut.

Pas luftës janë vrarë disa zyrtarë të LDK-së: Xhemajl Mustafa, Shaban Manaj, Ismet Rraci, Ismail Hajdaraj, Haki Ymeri dhe shumë të tjerë janë plagosur në atentate të ndryshme. Por deri më tash nuk është ndriçuar asnjë vrasje.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30