ForumMuharrem Sfarqa:Mustafa: Vëllezërit Gashi shembull se çfarë bënë njerëzit e LDK-së për Kosovën
Faqja 1 e 1
Muharrem Sfarqa:Mustafa: Vëllezërit Gashi shembull se çfarë bënë njerëzit e LDK-së për Kosovën
nga Agim Gashi Mon Jan 16, 2012 1:30 am
Mustafa: Vëllezërit Gashi shembull se çfarë bënë njerëzit e LDK-së për Kosovën
Muharrem Sfarqa
Akademi përkujtimore e Degës së LDK-së në Gjermani dhe Kuvendi Komunal i Kastriotit
Në organizim të përbashkët të degës së LDK-së së Gjermanisë dhe Kuvendit Komunal, në Kastriot u përkujtuan vëllezërit Abedin e Muhedin Gashi në një tubim nderues ku morën pjesë bashkëveprimtarë, bashkëpunëtorë, familjarë, mërgimtarë nga Gjermania e musafirë, në mesin e të cilëve kryetari i LDK-së së Kosovës Dr. Isa Mustafa, me bashkëpunëtor, deputet të Kuvendit të Kosovës nga radhët e LDK-së, pjesëtarë të familjeve të dëshmorëve (Krasniqi, Zemaj, Lladrovci, Rraci etj), shkrimtarë, poetë e publicist.
Abedini ishte pjesë e lëvizjeve të mëdha për Kosovën
Tubimin e hapi kryetari i Komunës së Kastriotit Mehmet Krasniqi i cili tha se jeta dhe vepra e vëllezërve Gashi ishte sinonim i angazhimit të qytetarëve të qytetit të dritës se si duhet përkushtuar me devotshmëri veprimtarisë për lirinë e Kosovës. Që të dy veprimtarinë e tyre e zhvilluan brenda strukturave të organizuara të LDK-së, si në Kastriot ku veproi Muhedini, ashtu edhe në Gjermani ku ishte në ballë të çdo aktiviteti vëllau tjetër Abedini. Nderimi për ta është sa obligim aq edhe nderë, sidomos për ne që patëm fatin të punojmë me ta në rrethana shumë të rënda për Kosovën.
Kryetari i degës së LDK-së për Gjermani Qazim Bajgoraliu në fjalën e tij të rastit për bashkëpunëtorin dhe bashkëveprimtarin e tij Abedin Gashin tha se ai ishte një veprimtar i mërgatës sonë me virtyte të larta patriotike dhe morale, i cili ishte në ballë të çdo aktiviteti politik dhe humanitar që ishin të lidhura drejtpërdrejt me çështjen e lirisë, pavarësisë dhe demokracisë së Kosovës. Duke qenë udhëheqës i lartë i degës së LDK-së së Gjermanisë, ai ishte pjesë e proceseve të mëdha të Kosovës, për të cilat punoi pandërprerë me vendosmëri dhe vetëmohim shembullor. Emblema e LDK-së dhe emri i presidentit historik të Kosovës Dr. Ibrahim Rugova, ishin lidhja e tij emocionale e shpirërore.
Zëdhënësi i degës së LDK-së për Gjermani Muharrem Sfarqa i bëri një vështrim përfshirjes së figurës së veprimtarit Abedin Gashit si personazh në krijimtarinë letrare dhe publicistike të shkrimtarëve, poetëve e publicistëve si; Ali Podrimja, Adem Gashi, Sabit Rrustemi, Faruk Tasholli, Mentor Thaçi, Magjun Smajli, Muharrem Ramabaja etj, të cilët njohën nga afër karizmën e tij të veçantë patriotike e morale dhe figurën e tij e ndriçuan me krijimtari dhe vargje përkushtuese poetike.
Një rrugë me emrin e vëllezërve Gashi
Kryetari i LDK- së Dr. Isa Mustafa duke iu drejtuar të pranishmëve të këtij evenimenti nderues tha se vëllezërit Gashi janë edhe një shembull nga shembujt e shumtë se çfarë bën njerëzit e LDK-së për Kosovën, të cilët ishin të rreshtuar në vizionin rugovian për lirinë, pavarësinë dhe demokracinë e saj. Jam i nderuar që gjatë qëndrimit tim në Gjermani si ministër për financa i qeverisë së Kosovës njoha nga afër Abedin Gashin me të cilin punuam së bashku në fondin e Republikës së Kosovës i cili mbajti gjallë jetën institucionale të shqiptarëve të Kosovës në periudhën më të rëndë të saj nën okupim, prandaj nderimi që u bëhet atyre është një mirënjohje edhe ndaj të gjithë mërgimtarëve që ndanë kafshatën e gojës për jetësimin e idealit të lirisë. Ne si LDK, si edhe me këtë rast do të tregojmë kujdesin dhe falënderimin tonë të përhershëm, ndaj të gjithë atyre që kontribuan për të mirën e Kosovës, pa ndihmën e të cilëve Kosova nuk do të gjendej aty ku është sot. Funksionimi i shtetit juridik ku ligji do të përcaktoj sjelljen e qytetarëve të saj ndaj shtetit dhe jetës mbetet synim i yni dhe realizim i dëshirës së të gjithë atyre që sot nuk janë në mesin e të gjallëve e që ëndërronin një shtet të cilin na mbetet që ta bëjmë ne.
Në këtë tubim kryetari i Komunës së Kastriotit Mehmet Krasniqi, familjes Gashi ia dorëzoi mirënjohjen e dhënë nga Kuvendi Komunal. Ai gjithashtu bëri publik vendimin e këtij institucioni mbi emërtimin e njërës nga rrugët kryesore të Kastriotit me emrin e vëllezërve Gashi. Këtij tubimi i kishin arritur edhe një numër telegramesh përshëndetëse nga individ dhe subjekte politike nga vendi dhe mërgata shqiptare. Duke u falënderuar në emër të familjes Gashi, veprimtari i LDK-së së Gjermanisë Muharrem Gashi u zotua se ata do të ndjekin shembullin e prindërve të tyre dhe do të jenë përkrahësit dhe realizuesit e cdo detyre që parashtron kjo parti politike me të cilën identifikohen edhe ata.
Ky tubim nderues e përkujtues përfundoi me një program të shkurtër kulturor, nën ekzekutimin e tingujve me piano të veprave të kompozitorëve të njohur botëror nga pianistja e njohur shqiptare Pranvera Hoxha.
Agim Gashi- Administrator
- Numri i postimeve : 45955
Age : 70
Location : Kosovë
Registration date : 17/11/2008
Faqja 1 e 1
Drejtat e ktij Forumit:
Ju nuk mund ti përgjigjeni temave të këtij forumi
» IDRIZ ZEQIRAJ - SHIPTARËT NUK JANË "ME BYTHË NË PRUSH", PËR TË FALUR TOKAT
» Akuzat kundër Shefqet Krasniqit Prokurorisë ia kishte konfirmuar edhe BIK-u (Dokument)
» Aktakuzë kundër imamit Shefqet Krasniqi
» Zbulohen tensionet gjatë dialogut në Bruksel, Nikoliqi Thaçit: Ti je kriminel
» Faruk Tasholli - RJEPENI NANËN
» FAMILJA E HAKI IMERIT: AI U VRA NË KOHËN KUR NË PUSHTET ISHIN HASHIM THAÇI E REXHEP SELIMI
» AGIM GASHI - O NE TREN PËR MITROVICË
» Vëllai i tij u pajtua me Thaçin, por ja si ishte kidnapuar Haki Imeri në Brojë e më pas ishte vrarë
» Fadil Maloku:Aferim, Prokurori e Kosovës!
» Djali i Haki Imerit del kundër axhës: Nuk ia fali Thaçit, nuk dua drejtësi kanunore
» IDRIZ ZEQIRAJ:Copëza biografike dhe kujtime për Ibrahim Rugovën
» Presidenti Thaçi i “lahet me 124 pleq” Imer Imerit se nuk ka gisht në vrasjen e vëllait të tij
» Adem Salihaj akuza të rënda ndaj Hashim Thaçit, ja si po mundohet të shpërlahet nga krimet e shumta që ka bërë
» Ndodh edhe ky skandal: Njeriu që grisi fotografinë e Presidentit Rugova merr certifikatën e veteranit të UÇK-së
» BERAT ARMAGEDONI:Lamtumirë, Joshua i Pejës!
» Biografia e Presidentit Rugova - Biografi e shkurtër
» ILIR MUHARREMI : Treni provokativ, artistët në gjumë
» Përveç ROSU-së, ky është shqiptari që rrezikoi jetën për ta ndalur trenin e Serbisë
» ENVER PETROVCI - IN MEMORIAM SEFEDIN NUREDINIT- SEFA