Ilir Mirena: Kurti dje, si refugjat i Bllacës-Kush e turpron Kosoven

nga **Agim Gashi** Mon Jan 16, 2012 9:18 pm

Ilir Mirena: Kurti dje, si refugjat i Bllacës

Prishtinë, 15 janar - I janë dukur të mjera pamjet e djeshme dhe ka qeshur me to. Zëvendësministri i Mjedisit në qeverinë e Kosovës, Ilir Mirena ka komentuar në Facebook protestën e Vetëvendosjes duke përqeshur momentet në të cilat janë gjetur Fisnik Ismaili, gjatë arrestimit, dhe vetë kryetari i Vetëvendosjes, Albin Kurti kur u lëndua. Madje, këtë të fundit e ka krahasuar me refugjat të Bllacës.

“Moti pamje ma t'mjere nuk kam pa se kur e arrestun F.Ismajlin e iu lutke policise "aman zgidhmni durt, se nuk boj kurgja..." e garancion e jepke besen e tij...)) Pamja e dyte ishte me Albin Kurtin, i cili pas disa debateve, kishe triumfaliste neper media, ish ul i thyem skaj nje gardhi e u doke si nje refugjat i Kosoves diku n'Bllace me 1999...))”, ka shkruar Mirena në statusin e tij në Facebook, transmeton Indeksonline.

Ilir Mirena: Kurti dje, si refugjat i Bllacës-Kush e turpron Kosoven Status11

Ilir Mirena: Kurti dje, si refugjat i Bllacës-Kush e turpron Kosoven Status11

Nga Mero Baze

Kush e turpëron Kosovën?

Një miku im nga Prishtina na postoi një foto në të cilën shihet statusi që ka vendosur në Facebook një njeri i qeverisë së Kosovës. Në ato pak rreshta ai përshkruan, nuk e di në çfarë cilësie, lutjet e Fisnik Ismailit, që policia të mos t’ja shtrëngojë fort prangat dhe katandisjen e Albin Kurtit përtokë pas sulmit të policisë. Më duken pak të sajuara, por dua t’i besoj se janë të vërteta. Dua të besoj se vërtet Fisnik Ismailit, artistit që i ka dhënë Kosovës Monumentin e parë simbolik pas çlirimit, “New Born”, i kanë dhemb jo vetëm fizikisht prangat në duart e lidhura pas dhe Albin Kurti është rrëzuar “si refugjat” në tokën e tij, prej dhunës së policisë.

Pyetja që unë shtroj pas kësaj, është se kë nderon dhe kë turpëron kjo pamje?

Kosova është sot një vend i lirë, pse perëndimi u bind, për herë të parë në historinë e tij, se një pushteti i duhet hequr një territor nga duart, nese nuk respekton qytetarët e tij. SHBA dhe vendet perëndimore bombarduan Serbinë dhe ja hoqën nga duart Kosovën, jo për shkak të lutjeve tona patriotike apo mallkimeve për Evropën plakë që na ndau si komb, por për një arsye të cilën ata që qeverisin Kosovën, sidomos ata që e qeverisin si “çlirimtarë”, nuk duhet ta harrojnë kurrë.

Është cinizëm i tepërt që tashmë një pushtet i ri në Kosovë, të ndjehet mirë sepolicia poshtëron qytetarët e saj dinjitoz, dhe të tallet me dhimbjet fizike dhe njerëzore të qytetarëve që protestojnë. Pamjet e përshkruara nga i sipërcituari, nderojnë viktimat dhe turpërojnë pushtetin. Ato pamje turpërojnë Kosovën para Perëndimit, dhe ngjallin një instikt të vjetër të politikës së Prishtinës së viteve tetëdhjetë, kur në emër të nacionalizmit mund të burgosje dhe poshtëroje këdo.

Kosova ka sot nevojë më shumë se sa për policë brutalë, për qytetarë kurajozë, më shumë se sa për paranoja puçiste, për ballafaqim me kundërshtarët, më shumë se sa për gramafonë regjimesh, për qytetarë që ngrejnë zërin për të drejtat e tyre. Ne e kemi parë foton e Fisnik Ismailit duke i vënë gjoksin ujit të makinave të policisë, kurse ky njeriu i regjimit të Prishtinës e paska parë duke qarë se i dhembnin prangat. Në të dyja rastet, në të dy pamjet, ai ka bërë diçka më krenare për Kosovën, se sa turpi i njeriut të pushtetit që gëzohet nga pasojat poshtëruese të dhunës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30