Seveme Fetiqi:ATA ISHIN YJE NË QIELLIN E VET

nga **Agim Gashi** Tue Jan 17, 2012 1:44 pm

Seveme Fetiqi:ATA ISHIN YJE NË QIELLIN E VET
-Jusufit, Bardhoshit, Kadriut

Seveme Fetiqi:ATA ISHIN YJE NË QIELLIN E VET 394595_3071719121811_1528638107_2998589_2074674822_n

1.
Nëno moj
ata ishin yje në qiellin tend
horizonteve të dritës ishin nisur
në kullën e lirisë për të arritur
i vrau stuhia karpatiane
ditën me diell kur ata
i kish mbuluar mjegulla

shtigjeve të shpresës udhë kishin bërë
lëkurën për t’ia zhveshur gjarperit
maskën për t’ia zhveshur mizorit
për të dalë nga kafazi i vuajtjes
për të dalë nga burgu i robërisë
qiellin e mbërthyer nga korbat
për ta kthyer në det paqeje
në jehonën e ninullave
që u bëhet rritë lumturi kenge
fëmijëve në djepa të lirë

2.
ata e dinin se nuk ishte mëkat
ta doje atdheun si driten e syve
sa vashën që ta mbush kullën dashuri gjallëri
por jo symbyllas
kur vdekja recitonte përmendësh
gjallërinë tonë për ta kthyer në mort

ata fluturuan me krah të prerë
si zogjtë për të mësuar fluturimin
nëpër natë nëpër stuhi

hapësira ankthesh sfiduan
në kreshta trimërie u shndërruan
plumbat t’i merrnin në gjoks
se nuk ikën as frikën se njohen

3.

edhe pas kaq vjetësh
fluturojnë fluturojnë qiellit të dashurisë
me krahët e mëdhenj të flijimit
ia fshijnë pluhurin e harresës se historisë
pëllumba paqeje përjetësojnë
si lulëkuqe me këmisha të bardha
të shqyera nga plagët e plumbave
neno rrudhave tua të pikëllimit zbresin…

ata arritën aty ku deshën
në qiellin e vet u bënë yje
të tashmen dhe të ardhmen
si ditën e bardhë për t’ia sjellë nënës

ata nuk mbetën zogj me flatra të gjymtuara
as të plagosur si vargjet e mia të pakryera
ata u bënë shkëmbinj të thepisur
ku vetëm shqiponjat mund të ulen
qëndresën e tyre për ta përjetësuar

4.
buzëqesh nënë buzëqesh
me buzët tua të etshme
ata duan t’i puthin
mermerët me epitaf Kosove
beso se “Flakë Janari” po bëhet kënga e tyre
për t´i ngrohur janarët shekujve
që vijnë me aromën e luleve
për lirinë tonë te fituar me gjak
në detin e madh të krenarisë tende

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30